4262/2023-2024

LUNGLEI; 20th, March, 2024: Nimin tlai dar 4:00 khan Lunglei Municipal Council, Vice Chairman Pu K. Lalrinawma chuan Lunglei khawpui bawlhhlawh sawngbawlna  tur Solid Waste Management Center (SWMC) sak mek a  tlawh. LMC Vice Chairman hi LMC Chief Executive Officer, Pu Donny Lalruatsanga bakah Executive Councillor Pu Zorinsanga Hmar, Pi Lalhruaitluang Sailo, Councillor Pi Zonunmawii leh Pu C.Sawihlira, DUDO, UD&PA ten an tawiawm a ni.

Lunglei leh Hauruang inkar Riangvaite Thlanmual bula awm Solid Waste Management Center  hi  cheng Nuai ₹ 600 senga sak tur a ni. LMC Vice Chairman ho hian SWMC sak mek dinhmun leh a thlen chin te hre turin an tlawh a ni. Ruahman ang chuan Lungleia Solid Waste Management Center buatsaih mekah hian Compose shed, Land Field, Resource Center, Sanitary Platform, Site office Cum Chowkidar Quarter, Weight Bridge, Fencing te a awm dawn a, hei bakah hia a panna kawng (Approach Road) pawh  thawmthat tura ruahmanna siam a ni.Tunah hian hna eng emaw zat chu thawh tawh niin, UD & PA enkawlna hnuaia ngawrh taka thawh mek zel a ni.

A hmuna tlawhtu LMC Vice Chairman Pu K.Lalrinawma chuan hnathawk mekte chu tha thawhkhat a a hriat thu leh hna kal zel turah a nih dan tur anga taka hnathawh a beisei thu leh a enkawltu Department te pawhin ngun taka hnathawh te vil  tura ngenin,Lunglei khawpui tana ro tling tur leh thianghlimnna kawnga hmasawnna pawimawh tak tur a nih avangin tha taka hna kalpui tur leh a hun taka thawh zawh a nih theih nan Department leh hnathawktute bakah LMC te tanho tul a tih thu a sawi bawk.