4261/2023-2024
2024 Vau thla ni 19: National Centre for Vector Borne Disease Control-in Malaria do nana a hma lakna pawimawh tak mai pakhat, "Long Lasting Insecticidal Nets (Thosilen damdawi chiah sa)" chu sem a ni leh dawn a. He thosilen (LLIN) hian a thil tumte a lo hlawhtlin nan leh Malaria laka kan district kan lo him zual nan he'ng a hnuaia tar lante hi min lo zawmsak turin a dawngtu tur (beneficiary)-te kan inngen e.
1. Sangha leh luia nungchate man/hrai nana hman loh tur: LLIN (Long Lasting Insecticidal Net) hi damdawi (insecticide)-a chiah sa a ni a. He Insecticide (tur) hmang hian sangha leh lui vuak emaw, hrai emaw, man tum kan awm ṭhin. Tur (poison) hmanga luia nungchate hrai chu, Wildlife Protection Act, 1972 Section 9 chuan a khap tlat a, dan bawhchhiatna lian tak a ni a, pawisa fai ₹ 25,000/-chawi bakah, kum thum (3) chhung lung in tan theihna a ni.
2. Huan hung nan leh in leh a chhehvel hung nana hman loh: Thosilen damdawi chiah sa hi thosiin mihringte min seh loh nana sem a ni dawn a, mahni huan leh a vel hung nana la mai lo tur leh hmang lo turin kan inngenin kan inhriattir bawk.
3. Suk dan/enkawl dan: LLIN hi kan suk zin lutuk chuan a damdawi kan su fai vek thei a; chu vang chuan kum khata vawi 1/2 vel chauh suk tur a ni a. Tin, kan suk zawh hian ni sa (sunlight)-ah pho ro loh tur a ni. Tin, kum nga (5) dan chauha sem ṭhin a nih avangin duat taka enkawl hram hram turin kan inngen bawk a ni. Tin, lui dunga suk pawh, lui tuia nunghchate tan a hlauhawm bawk avangin tih loh tur a ni.
