2621/2022-2023
Siaha; the 11th November, 2022:  Vawiin chawhma dar 11:00Am khan DRO( District Research Officer) Office,  Economics and Statistics Department, Siaha buatsaihin 11th Agriculture Census (Phase-1) neih tura Field works thawk tura thlan chhuah Enumerators mi 30-te tana training buatsaih a ni.

 He hun hi Pu JF. Vantawna, SIS, DRO Office, Siaha in a kaihruaiin, Agriculture Census pawimawhna leh Enumerator-te mawhphurhna a sawifiah a. Agriculture Census neihna tura mawhphurhna pawimawh tak chelhtu Enumerator-te chu training tha taka attend tur leh, theihtawp chhuah chunga dik taka thawk  turin a chah hlawm a ni.

He hunah hian Pu Sanglura Chawngthu, DRO Siaha chuan Enumerators kal khawmte zirtirna a pe a, a taka entirna leh sawifiahna neiin, hriatfiah loh leh zawhna hrang hrang awm te hrilhfiah a sawiho a ni. DRO hian Enumerator-te hnenah hian rinawm leh fel taka mahni khaw chan theuhte hlenchhuak turin a chah hlawm a ni.

11th Agricultural Census (2021-2022) hi phase 3 thleng a kalpui tur a ni a. Covid-19 vangin hun engemawchen a khaihlak hnuah neih tan tur a ni dawn a. Zau zawka Agricultural statistics lak nana hman tur a ni a. Census hi paper tel lova survey neih tur a ni a, hei hi India rama Agriculture Census neihah chuan an hmanna hmasa ber tur a ni.