2622/2022-2023
Mamit 11th November, 2022 : Dr. Bhagwat Karad, Hon'ble Union Minister of State for Finance, Gov't. of India chuan vawiin khan Mamit tlawhin Tourist Lodge Mamit-ah Er. H. Lalzirliana, Mamit bialtu MLA, Pu Lalnunhlua, Mamit District Bawrhsap bakah Officials dangte'n an lo dawngsawng.

Union Minister of State pual hian Chhimveng YMA Hall, Mamit-ah Credit Outreach Programme neih zui nghal niin Mamit a rawn tlawh pual hian Mamit District chhunga Bank SBI, MRB, MCAB leh NABARD kaltlangin vawiin hian Beneficiaries 560 hnenah Loan 8.02 Crore pek chhuah a ni.

Union Minister of State for Finance chuan Aspirational District Mamit chu an dinhmun hria a, zirchiang tur leh Banking facilities mi zawng zawng tana ban phak a nih dan hrilhhre tura tlawh a nih thu a sawi a, Mamit District mipuite chu retheihna atanga khaichhuah kan nih theih nan Bank kaltlanga hmasawnna awm hrang hrangte chu a chhawrtu kan nih theih nan Bank dawr nachang hre tur leh Bank lama thawktute pawh engtiklai pawha an inhawn reng thu a sawi.

Minister chuan India Prime Minister zahawm tak hmalaknain harsatna hi kan la kal pel dawn a ni tiin mirethei leh harsa zawkte'n Loan an lak theihna turin Bialtu MLA nen pawh hmalak a ni ang a ti bawk. Kuthnathawktute tan Kisan Credit Card kan nei ngei tur a ni a, he Card hmang hian Loan tha bik a awm thu leh PMJJBY leh PMSBY hnuaiah Bank Account neite tana Insurance Scheme-te chu ngaihven a, hmang tangkai turin a chah bawk.

Vawiin-a Bank hrang hrang atanga Loan pekchhuah hi KCC/Kissan-ah mi 50, SHG-ah mi 400, Small Medium Enterprise-ah mi 5, MUDRA-ah 25, PVS Vanidhi-ah 10, Housing Loan 10 leh thildang 60, a vaiin mi 560 te hnenah 8.02 Crore Loan pekchhuah a ni.

Vawiin Credit Outreach Programme-ah hian Pu Sh Arvind Kumar Singh, SBI, GSM chuan inlawmna thusawiin, Pu Sh. KVSSLV Prasada Rao, NABARD, GM, officer-in-charge chuan lawmthu sawina a nei bawk.  

SBI hnuaia Corporate Social Responsibilty (CSR) fund atangin Anganwadi naupang te'n nuam taka nitin Wadi an kal theih nan Anganwadi Centre 15 tan Full HD, Smart TV hlan an ni a. Kuthnathawktu mi 20 te NABARD hmalaknain International Trade Fair, New Delhi-a neih tur chhim tura tirh an nih dawn thu tarlan a ni bawk.

Vawiin vek hian Minister hian Mamit khawpui chhunga Site hrang hrang District Hospital, Primary School, Anganwadi Centre leh Ration lakna (PDS) Centre-te tlawhin, harsatna an neih hrang hrangte Minister hnena an lo thlen chu ngaihthlak sakin, a theih anga chinfelsak tum a nih thu a sawi.

Minister hi Er. H. Lalzirliana, Mamit Bialtu MLA, Pu Lalnunhlua, District Bawrhsap. Mamit bakah Officials dang te'n an tawiawm a ni.