1774/2022-2023

Siaha; the 1st September,2022: Vawiin chawhma dar 11:00Am khan District Election Officer,Pu Lalsangliana kaihruaina hnuaiah Election official te leh Siaha district Mizoram People Forum(MPF) puipa te nen kan hmalawk(6/9/2022) VC-8 a By-Election kan hmachhawn turah hian Inthlanna Thianghlim leh muanawm tak a awm theih nan khunkhan taka sawi ho a ni.

MADC hnuaia VC-8 a By-Election neih turah hian Seat 29 (General-23 & Reserved--6) tan candidate 64(General -51 & Reserved --13) an awm a. BJP atangin-16, MNF-24 leh INC-19 leh IND--5 an awm a ni.

98-Siaha Vaihpi Bazar VC hnuaiah hian Seat 5 awmin, Candidate 5 chauh (Independent vek) an awm a, avangin, Official a tlinga puan tur chauh an nghak mek a ni.

Vawiin meetinga MPF Siaha District ten candidate leh mipui te hnena ngenna an siam,an thehdarh tur chhawpchhuah chu:

CANDIDATE ATAN HETIANG MI HI THLAN NI SE

1. Mi hming tha, mize nghet leh rilru puitling

2. Ram leh khawtlang hmasawnna tura hmathlir neitha leh ruahmanna nei tha.

3. Dik lo leh kuttling lova sum leh thil danga hmuh tum lo mi.

4. Mipat hmeichhiatna kawnga hminghliau lo.

5. Ruihtheih thil, zu,damdawi hman sual leh khawvel nawmsipna ti lo mi.

6. Pathian tih leh kohhrana inhmang mi.

7. Khua leh tui tha ni tura mi tangkai leh hmantlak.

8. Khawtlang thatna leh mahni mihringpuite thatna duh mi.

TIH LOH TURTE

1. Sum leh therhlo hmanga Vote lei leh hralh loh tur.

2. Appointment leh Contract hmanga mi thlem loh tur.

3. In tinah luta Vote dil hi tih loh tur.

4. Inthlan vuakvet laiin ruai siam loh tur.

5. Campaign nan Aurinna hman loh tur.

6. Music leh hla hmanga Campaign loh tur.

7. Polling Booth velah Banner leh Flag tam tak tar loh tur.

8. Inthlan ni ah Polling Booth hnai taka Thingpui chhuan/lum loh tur.

9. Damlo leh tar chak lo zual tih loh chu, Vote thlak tura Motor-in phurh loh tur.

10. Polling hnaivaiah,meizial/kuhva/sweet/ei tur chi dang/sem loh tur.

TIH TURTE

1. India khua leh tui diktak chuan Vote hi thlak ngei tur a ni.

2. Vote hi a hma lamah thlak a tha.

3. Voter ID ken ngei tur a ni

4. Damlo/Tar chak lo/Rualban lo te a remchan dan anga tanpui tur

5. Model Code of Conduct 2022 hi zawm tur a ni.

6. Model Code of Conduct bawhchhia an awm chuan R.O / E.O hnenah ziakin thlen tur a ni.