5013/2025-2026

Dated Siaha, the 27, March 2026: Vawiin chawhma dar 10:30AM khan DC Mini conference hall, Siahaah Village council paruka inthlan ṭhatnaa (by election) hman tur final electoral roll chu Assistant District Election Officer leh Additional DC nibawk Pu Abraham Beirazi Khithie chuan a tlangzarh.

Pu Abraham Beirazi Khithie chuan AERO leh Political party aiawh kal khawmte chu lawmthu hrilhin, draft electoral roll hi March 10, 2026-ah tlangzarh anih thu leh claims & objection hi March ni 20, 2026 thleng thehluh theihna hun hawn a nih thu a sawi. Tlawmngai pawl, political party, Assistant Electoral Registration Officer leh Election branch-te tel lo chuan final electoral roll hi tlangzarh theih a nih loh thu Pu Abraham Beirazi Khithie chuan sawiin, ‘an thawhrimna leh thawhhona ṭhat vanga tlangzarh theih a nita chu lawmthu a sawi bawk.’

Inthlan ṭhatna (by election) neihna tur khuate chu general seat vek niin, chungte chu - Meisavaih East (seat 2), Thosai (seat 1), College Vaih II (seat 1), Noaotlah III (seat 1), Tipa V-III (seat 1) leh Khaikhy (seat 1) a ni a, final electoral roll hi January 1, 2026 behchhana siam niin hemi huam chhunga vote nei awmzat chu 2521 (mipa 1179, hmeichhia 1342) niin, chhungkua 670 an ni.

Vawiin hun hmannaah hian party hrang hrang aiawh, AERO leh Election branch staff-te an tel a, ADEO hian party tinte chu final electoral roll copy khat ṭheuh a sem nghal a, lawmthu sawina a neia hun hman tihtawp a ni.