5012/2025-2026

Aizawl, 27th March, 2026 : Vawiin khan Mizoram Legislative Assembly Conference Hall-ah, Data for Development chungchangah Workshop pawimawh tak neih a ni.

He Workshop hawnna inkhawm hi Pu B. Lalrinhlua, Director, Economics & Statistics in a kaihhruai a, Pu Vanlaldina Fanai, Commissioner & Secretary, Planning & Programme Implementation Department chuan khuallian niin he Workshop hi a hmanpui a ni.

Chairman, Pu B. Lalrinhlua chuan Welcome Speech leh Keynote Address pe in Khawvelin Statistical Data pawimawhna a hriatchhoh zel thu leh India ramah pawh Integrated of Statistical Data ngaih pawimawh chhoh zel a nih thu a sawi a, thla thar April 2026-ah hian India ram pumpuiah Data Integrated of Statistical chungchanga inrawnkhawmna pui tham tak (Summit) neih a nih dawn thu sawiin ,he inrawnkhawmna atana kan State mamawh kan sawi chhuah ve tur atan he workshop hi buatsaih a nih thu a sawi.

Khuallian Pu Vanlaldina Fanai chuan Workshop-a lo telte chibai bukin Data chungchangah felfai leh tha zawka vawn chhoh zel kan mamawh hle tih sawiin, Finance leh Accounts lam ten Budget atana code kan neih ang hian kan data te hian a theih ang zawn zelah unique identifiers emaw, national leh international classification awm thei ang zel kan zawn a, kan hman zel hi pawimawh hle a ni a ti. Tun hnaiah Ministry of Statistics & Programme Implementation (MoSPI) hi a tang em em a, State tin ten Official Statistics Quality tha tak neih a, State tin te kan data comparable zawk nei thei turin tan a lak nasat thu a sawi bawk. Khual lian chuan Department leh agency tin te hi data neitu zawk an nih thu leh Economics & Statistics chu a luh khawmna mai a nih thu leh Department dangte tello chuan data tha a neih theih loh thu Department tin kalkhawmte a hrilh a. Kan State GSDP rawn hril chhuaktu chu Department tin te data min rawn pek khawm atanga chhut a nih thu a sawi bawk. ICT leh Science & Technology Department te nen tun lai thiamna hmanga data dah khawmna tha (storage & management) siam leh neih kawngah pawh Economics & Statistics nena thawhho chhoh zel a pawimawh thu a sawi.

Pi Mary Lalrinchhungi, Jt. Director, Economics & Statistics kaihhruaina hnuaiah Power-point Presentation neih zui nghal niin, ‘Harmonisation of Statistical Datasets’ tih chungchang Pi Lalhmangaihsangi, Asst. Director, Economics & Statistics-in Presentation a siam leh ‘Using Administrative Data for Governance : Linking Departmental Data at State level’ tih chungchang Pi R. Lalhlimpuii, Informatics Officer, ICT-in Presentation a siam chu thlirhova ngaih thlak a ni. Statistical Data darhsarh tak, in anglo tak tak kan neih tih bova, Department hrang hrangin Data inang tlang (One State One Statistic), tha leh rintlak, lakhawma dah khawmin, State-in tangkai taka kan hman tura neih pawimawhzia leh chutiang nitura nasat zawka tan lak a tulzia leh tan lak dan tur kawngResource Person-te Presentation atang hian zirchhuah a ni. Heng Presentation-te hi sawiho zui nghal niin a tul anga Central Sorkar lama la thlen leh tur a ni ang.

    Pu H. Lalnunzuala, Dy. Director, Economics & Statistics in Vote of Thanks sawiin he workshop hi tin a ni.