2731/2022-2023
Siaha; the 19th November,2022: Nimin chawhnu 1:00PM khan Siaha District chhunga Jal Shakti Abhiyan( Catch the Rain) hnuaia hmalakna hrang hrangte a hmunah ngei enfiah turin Sawrkar laipui(Gov't of India) atanga official lokal Pi Moina Benarzi,Director,Ministry of Minority Affair leh Pu MSR Naidu, Central Water and Power Research Station Scientist 'C' te chuan Siaha an lo lut a.Circuit House-ah hian District Bawrhsap Pu Lalsangliana leh JSA(Catch the Rain) concern Line Dept, Head of Office ten an lo dawngsawng a ni.

Circuit House-ah hian Power Point Presentation hmangin Pu Abraham Beirazi Khithie,PD,DRDO in JSA( Catch the Rain) project hnuaia Siaha District chhunga hmalak tawhna hrang hrang leh hmachhawp mek te entirna hun a hmang a. JSA Concern Dept, hrang hranga Head of Office te pawhin Central Official te zawhna hrang hrang leh an thil hriatchian duh te hrilhfiahna hun an hmang bawk.

Circuit House-a inkawmhona hun hmanzawh hian Noaotlah-I,II &III(KM-10)-a,JSA (Catch the Rain) project hnuaia hmalakna hrang hrang te a hmunah an enfiah nghal a ni. Gramsabha te pawh an ko bawk a ni.

Jal Shakti Abhiyan (Tui Hnianghnar tura Beihpui thlakna) hi India Sawrkar Laipui in India ram chhunga Tui harsatna Zualna District 256 a thlanchhuah te hnena Tui hnianghnar zawk kan neih theihna tura Beihpui a thlakna Project a ni a.Kum 2019, September ni 19 atang khan Siaha District-ah chuan kalpui tan a ni. Mizoram-ah chuan Lawmgtlai leh Siaha district te hi JSA kalpuina tura District thlanchhuah te an ni.

Vawiin Central Official ten an lo enfiah tak hi JSA hnuaia hmalakna hrang hrang zingah, Fur ruahtui luangral mai tur lo khawl/chelhdinna tura hmalakna(Catch the Rain) bik an lo enfiah a ni.He JSA( Catch the Rain) Site inspection-ah hian Central Team te hi Pu Abraham Beirazi Khithie,PD,DRDO leh Pu Vabeimozachhi,BDO,Siaha,RD Block te bakah concern dept, official thahnem takin an tawiawm a ni.

Tukin zing tanga khan Siaha Town chhunga hmalakna hrang hrang an en lehin, veng thenkhatah chuan Gramsabha te pawh an ko a ni.Town chhunga enfiah hna an zawh hnuah Tisopi khua-ah an kal leh dawn a ni.