No.7211/2020-2021
Vawiin khan DRDA Conference Hall-ah Pu C.Lalrosanga, MP(LS) leh DDCMC(DISHA) Chairman ni bawk, Hon'ble Minister of State Dr.K.Beichhua leh Pu K.T Rokhaw MLA hovin DRDA's District Panchayat Resources Centre-ah DDCMC meeting neih a ni.
Vawiin meeting-ah hian Siaha District chhunga Central sawrkar sum hmanga nikum chhunga hnathawh te thlirhona neih a ni a. CSS hmanga hmasawnna hnathawktu Department hrang hrang te hmalakna thlir hova, an hmachhawp leh harsatna te pawh sawiho a ni.
Pu C.Lalrosanga chuan nikum kum tawp lam khan Covid-19 hrileng avangin Video Conferencing kaltlangin DISHA meeting neih tum chu internet connectivity lama harsatna a awm avangin thulh a lo ni tawh a, vawiinah Minister Dr.K
Beichhua leh MLA Pu K.T Rokhaw te hova kim taka DISHA meeting an nei thei tur chu lawmawm a ti thu a sawi. Pu C.Lalrosanga chuan DISHA meeting hi tihdiklo zawnchhuah(fault finding) meeting a ni lova, CCS Line Department ten Sawrkar laipui Scheme pawimawh tak takte chu tha takin an kalpui thei nan te, harsatna an nei te leh an hmasawnna chin te inhriatpui tawna, Line Department hrang hrang ten thawhhona an nei that thei nan leh hmalam hun atana Scheme leh Plan tha leh felfai tak duan a nih theih nana meeting hi neih kan ni zawk a ni, a ti.
Sawrkar department hrang hrangte hunbi ruata hnathawh zo hman tum tura chahin an rawngbawlsak mipuite tana theihtawp chhuah theuh turin a fuih nghal bawk a ni.
Meeting-a tarlan anih dan chuan DRDA Siaha hmalakna MGNREGA hnuaiah kum 2019-2020 chhungin Job Card holders 16353 hnenah nikum November thla thleng khan ni 85 hna thawk tawhin, Dec,2020 tan ni 5 leh January,2021 thla atan ni 6 peihfel vek tawh a ni a. Tichuan February,2021 thla-ah ni 4 thawh a ni leh chuan ni 100 a tling dawn a ni.
Pradhan Mantri Awaas Yojana-Gramin, PMAY-G (Rural Housing Scheme) hnuaiah kum (2019-2020) atan beneficiaries 895 thlan an ni a, spot verification neih zawh tawh niin, registration kalpui mek a ni.
Kum 2019-2020 chhunga Pradhan Mantri Krishi Sinchayee Yojana (PMKSY) hnuaiah heng te hi an siam an ni a, Geo-tagging kalpui mek a ni: Secondary Storage Structure-50nos, Water harvesting structure---50nos leh Repair of Small tanks---55 nos.
PHE Department hmalakna Jal Jeevan Mission (JMM) hmangin District chhunga khaw 17 a chhungkaw 2475 hnenah tui Connection (Functional Household Tap Connection) (FHTC) pek an ni a. Kumin 2020-2021 ah hian khaw 11 a chhungkaw 2546 hnenah pek leh tura hmalak mek a ni.
PWD hnuaiah Pradhan Mantri Gram Sadak Yojana (PMGSY) Fund atangin April,2019-Dec,2020 chhung khan kawng 32 sial a ni a, 13 chu zawh fel tawh a ni.
Pradhan Mantri Awass Yojana(Housing for All- Urban) hnuaiah nikum 2019-2020 khan dilna 1418 dawngin, 174 hnawl a ni a, dilna 1244 pawm a ni. PMEGP leh Credit Link Subsidy Scheme(CLSS) implement na kawngah Bank lamin sawrkar an thawhpui that lo thu meeting-ah sawichhuah a ni bawk.
National Health Mission hnuaiah April-November 2020 chhungin Naupiang 845( 721- Institutional delivery & 124---Home delivery) an awm a, nausen thi 24 awmin IMR chu 28 a ni a. Nu nau chunga thi 2 awmin,MMR chu 236 a ni. HIV blood test zat--552, HIV hrik pai zat-- 22(mipa-16 leh hmeichhia--6). Malaria hrik blood test--8722, hrik pai hmuchhuah zat--365.Tunah hian Sub Centre 9 ah Health worker awm lo, 37 sub centre awmah, 26 te hian HW pakhat chauh an nei.SC tam takah Electricity connection a awm lo. SC 12 ah nau neina dawhkan awm lo bawk.
National Social Assistance Programme (NSAP) hnuaiah IGNOAS beneficiaries---5286 leh kum 80 pelh tawh mi 325 an awm mek.
ICDS Project hnuaia Anganwadi Centre 126 awmin, Aganwadi worker -126 leh helper-126 an awm mek. Pradhan Mantri Matru Vandana Yojana (PMMVY) Scheme hnuaiah Hmeichhia kum 19 chin chunglam ten an fa pakhat neihnaah tanpuina Rs.5000/- installment in an dawng a, beneficiaries 1903 awmin pawisa cheng nuai Rs.95.15 semchhuah tawh a ni.
Heng bakah hian CSS hnuaia hnathawh hrang hrangte sawiho a zirchian a ni bawk. Meeting zawh hnu hian Lok Sabha MP Pu C.Lalrosanga chuan Lawngtlai panin Siaha a chhuahsan nghal a ni.
Attachment
- Loading attachment...
