2476/2026-2027

Siaha the 1st October 2026: District Election Officer (DEO) Pi Saizikpuii chuan vawiin khan DC Conference Hall, Siaha-ah Special Intensive Revision (SIR) 2026 neih zawh takah Press Briefing a nei a, District chhunga chanchinthar thehdarhtute bakah political party aiawhte an tel. 

Press Briefing a tarlan tlangpuite chu:

1. Siaha District chhunga 39-Saiha (ST) AC leh 40-Palak (ST) AC chhungah chuan SIR Appeal hun tiam chhunga dawn a awm loh avangin, Appeal Hearing neih a ni lo.

2. Siaha District chhunga SIR deletion/ inclusion chungchang chu chiang lehzuala zirna neih a ni dawn a, he thilah hian bialtu BLO tinte chu an bial chhunga SIR Draft Roll leh SIR Final Roll lo enchiang a, deletion leh inclusion te kimchang taka list siam chhuak vek tura hrittir an ni.

3. Continuous Updation hi kalpui nghal zel a ni a, he continuous updation-ah hian Vote nei ngei tur kum tling thar te, EPIC siam dik ngai te, thlalak siam that ngai te, mitthi tawh paihte leh transfer ngaite pawh khawih zui nghal zel a ni a. He Continuous Updation hi mipui zawng zawngten an lo hriat a, a tul ang zela an bawhzui theih nan Publicity Drive neih a ni dawn a. Publicity Drive hi DEO website, DEO IG page, DEO Facebook page, DIPRO Office website, BLO te, chanchinbu, VC, NGO, Political Party leh Digital Flyer (WhatsApp) kaltlanga neih a ni dawn a ni.