Vawiin chawhma dar 11:00AM khan DC office chamber-ah Siaha District Fire Prevention Committee ten meeting an nei. He meeting hi DC charge la mektu Addl.DC Pu N.Chakhai an a kaihruai a, Dr.Lalzuiliana, State NSS Officer leh Deputy Secretary, NSS Cell Sports & Youth Services ni bawk chuan meeting hi Monitoring Agent angin a telpui bawk.

He meeting-ah hian member te bakah Tlawmngai pawl hrang hrang aiawhte, VC hrang hrang aiawh te leh sawmbik te atangin kangmei laka invenghim tura hma an lak dan leh rawtna hrang hrangte ngaithlak a ni a. Committee member te a tang pawhin rawtna hrang hrang leh report te ngaithlak a ni.

Dr.Lalzuiliana chuan Roadside Planting-ah chuan Siaha District chu Mizoram District te zawng zawnga ti tha ber an nia a hriatthu sawiin, 2015-2016-ah pawh hian MIRSAC( Mizoram Remote Sensing Application Centre) atanga a landan chuan ram tikang tlem ber District te zinga mi in ni a ti bawk. Dr.Lalzuiliana hian Siaha District chhunga thingtlang khua 15 tal tlawha, a khaw mipui te hnen atanga kangmei chungchangte hre tura Aizawla atanga lo kal a ni thu a sawilang bawk.

Vawiin Meeting-a tarlan dan chuan 2015-2016 chhungin Siaha District-ah In kang 3 awm in, ramngaw tihkan zau zawng hi Hectare 60 vel a awm a ni.