Vawiin chawhma dar 11:00Am khan I&PR Conference Hall, Council vaih-ah NEDP Scheme hnuai atanga dawn Siaha District Hospital a hmantur hmanrua chi hrang hrang tlangzarhna leh Kawthalo do beihpui thlakna hun hman a ni. Dr. C. Hnichho, DTO chuan he hun hi a kaihruai a ni.

Vawiin Siaha District Hospital a hmantur hmanrua chi hrang hrang tlangzarhna leh Kawthalo beihpui thlakna hun hmanna a khuallian Pu V. Vanhupa, Executive Member i/c Revenue, MADC chuan thu sawiin, Siaha mipuite hmakhaw ngaia hetiang hmanrua tha leh changkang tak kan District ina kan dawn hi a lawmawm hle a ni, a ti a. Mizoram Sawrkar Flagship Programme pakhat NEDP Scheme atanga kan District  duhsak bik kan nih hi a ropui hle a ni tiin, damlohna avanga mirethei zawkten harsa taka hmunpui lam sum tam tak senga kan pan thin kha tunah chuan kan awmhmun ngeia awlsam takin damna kan lo chang ve theih dawn ta a ni , a ti. Hetiang thiltha kan rama a awm thei nana hmalatute chungah thinlung takin lawmthu ka sawi bawk a ni, a ti bawk.

NEDP Scheme hnuai atanga Siaha District Hospital ina hmanrua a dawnte chu :ABG Analyser, Binocular Microscope, Biochemistry Analyser, Biopsy forcep, Blood Cell Counter, Cardiac Monitor, Centrifuge with Digital Display, Chemical balance, Co-Agulometer, Colonoscope, Colposcope, Conservative Kit, Defibrillator, Dental Chair, Dental X-Ray, Diathermy, Diaelectric tube sealer, Digital Colorimeter, Endoscope, Extraction forcep (Adult & Children), GA Machine, Instrument Set, Light Cure Gun & Root, Nebulizer, Nuvolite O2, OT Light, OT Table, Otoscope, Pulse Oximeter, Refigerator for Reagent, Semi fowler Bed, Suction Machine (Electric) & (Foot), Suction Machine, Syringe Pump, Ultrasonic Scaler, Ultrasound, UPS 2KVA, Water Bath, X-Ray Machine Controller, X-Ray Machine te niin, a vai hian Rs. 1,66,68,153/- man a ni a, hmanraw engemaw zat Siaha District Hospital tan hian la thleng leh tura beisei a ni.

Vawiin programme chhawng hnihna-ah hian Kawthalo vanga Naupang thihna hi i um bo ang u tih thupui-ah hmangin Dr. Lalnunziri, SMO, DNO (IDCF), Siaha District leh Pi HC. Rebecca, Pharmacist, Monitoring Team (IDCF) te chuan Power Point Presentation hmangin Siaha District a ASHA te leh Mobilizer te hnenah zirtirna leh hrilhfiahna hun an hmang bawk a ni. He beihpui thlakna hian tahrik Ni 28.7.2018 thleng a awh dawn a ni.