4380/2025-2026

Siaha, 10th February, 2026: Vawiin chawhma dar 11:00A.M khan DC Mini Conference Hall, Siahaah District Level Fire Prevention Committee an ṭhukhawm a, Pu VL Hruaizela Khiangte Chairman District Level Fire Prevention Committee leh Deputy Commissioner, Siaha nibawk chuan a kaihruai.

Chairman Pu VL Hruaizela Khiangte chuan member kal khawmte lawmna thu sawiin, ram rohlu kan neih ramngaw behchhana innghat chhungkaw ṭhahnem tak an awm avangin ram tikang lo tura inzirtir leh ram kang a awm palha ṭhelh mih thuai thuai hi khua leh tui ṭhate tih tur a ni a, department mal tihchi anih loh avangin khawtlang hruaitute leh tlawmngai pawl nen lungrual taka ṭanho a ngaih thu a sawi.

Pu Jimmy N. Ramdina, DCF, MADC chuan kum hmasa lama fire prevention week hman dan tlangpui a tarlang a, kuminah Conservator of Forest, MADC-a thawk mek pension-a a chhuah avang leh a thar ruat boruak avangin duh angin a hun takah hman theih a ni lo chu pawi a tih thu a sawi a, 'Fire Prevention Week 2026' hman dan tur rel chhunzawm a ni.

'Fire Prevention Week 2026' chu February 11, 2026-ah Forest Hall, MADC-ah hman ni se, khuallian atan Pu M. Laikaw, CEM, MADC sawm nise tih a ni a, February 28, 2026 hmain huan hal nise, March ni 15 hmain lo hal nise tih a ni. Dan zawm lote chungah na taka action lak anih theih nan district magistrate-in Executive Order- a chhuah anga, Forest department, MADC-in a zau thei ang berin kangmei tichhuak lo tur leh kangmei ven chungchang mipuite hnenah awareness programme-a huaihawt ṭhin ang.

Vawiin ṭhutkhawmah hian District Level Fire Prevention Committee member-te an tel a, Chairman Pu VL Hruaizela Khiangte chuan Siaha district-chu kawngkama thingphun nei ṭha leh enkawl chhunzawm ṭha ber kan niin a lang a, kan chhunzawm zel pawh a ṭul a ni tiin lawmthu sawina a nei a, ṭhutkhawm ṭin a ni.