652/2026-2027 

Siaha the 22nd May 2026: 

District Magistrate Pu VL Hruaizela Khiangte chuan International Border (Indo -Myanmar) kaltlanga Mizoram chhunga Foot & Mouth Disease (FMD) rawn lut thei laka District mipuite an him tlan nan thuchhuah a siam. 

ORDER: 

Directorate of A.H & Vety. Department, Government of Mizoram in thuchhuah a siam angin Foot & Mouth Disease (FMD) Sat - I Serotype natna hri hi International Border (Indo Myanmar) kaltlangin Mizoram chhungah engtik lai pawh a rawn leng thut thei a a nih avangin Veterinary Officer leh Field Staff te chu he hrileng lakah hian inralring (Vigil) reng tur leh he hrileng lakah kan him theih nan atul anga hma la nghal tura hriattir an ni. 

Chuvangin, kei, VL HRUAIZELA KHIANGTE, DISTRICT MAGISTRATE, SIAHA DISTRICT, hian Section 163 of Bharatiya Nagarik Suraksha Sanhita, 2023-in thuneihna min pek angin, heng a hnuaia thupek te hi zawm ngei turin ka hriattir e..

1. Siaha District chhunga Myanmar Border-a Check Post leh Ran rawn luh theihna point zawng zawngah ran rawn lut te hi lakluh an him em tih

Veterinary Doctor/Field Staff ten an endik thin tur a ni.

2. Border Area-a ran rawn luhna khua hmasaber ah khawtlang hruaitute: Village Council/Court. NGOs etc. ten heng ran rawn lut te hi khawdanga an kal hma leh hri a darh zel loh nan an khuaah an lo hreng (Quarantine) phawt tur a ni.

3. Heng FMD natna kai thei ran: Bawng, Sial, Lawi, Vawk, Kel leh Beram etc. Myanmar atanga rawn lut te chu Vety Doctor/Field Staff te'n a check vek tur a ni a, a hrisel tha chu Soundness Certificate pek tur ani ang.

4. FMD (Ran Ka leh Ke natna) hri kai/vei niawma kan hriatte chu a rang thei ang berin A.H & Vety Department, Siaha-a thuneitute hnenah hriattir vat tur a ni.

5. Bawng, Lawi leh Sial neitu te'n a rang thei ang berin he hri laka an him theih nan FMD Vaccine hi a ran te an pe ngei ngei tur a ni ang.

Hemi dan bawhchhetute chu Section 223 of Bharatiya Nyaya Sanhita, 2023 hmanga na taka hrem an ni ang.

He thupek hian chhuah a nih atanga thla hnih (2) chhung a huam ang.

He thupek hi nemnghetin vawiin ni 21st May, 2026 hian hming ka ziah hnan e.