Vawiin chawhma dar 10:00am khan Siaha District DC mawhphurhna la mektu Pu James Lalnunmawia,  Addl. DC chuan  DC office chamber-ah MiMIR(Mipui Mamawh  Intawm Ruahhman ) Project inelna result a puang.

Siaha District-ah hian MiMIR Project siam innelna-ah Project Concept paper 49 thehluh a ni a. Project 49 atang chuan a thazual 20 thlanchhuah niin, heng project 20 te hian July ni 24 khan Siaha District MiMIR Committee hma-ah an project concept paper Presentation neihin, chumi hnu-ah thlitfimna neih lehin Pakhatna hi thlan chhuah a ni ta a ni. Project pakhat na hi Winning Project tiin, Pahnihna leh Pathumna hi Promising Project tih a ni thung a. A bak zawng Project te hi Apsirational Project  tih a vuah an ni.

Tichuan Siaha District atanga MiMIR winning project chu:

New Siaha West Village Council Project siam Intergrated Mass Transit Terminal a ni .Pahnihna(Promising Project) chu:

 Meisavaih East VC project siam District Youth Skill Training Centre a ni a.Pathumna(Promising Project) chu Phura South VC te Project siam Major Irrigational Channel a ni.