Siaha District chuan kan hma lawka Faina Hapta kan hman tur pualin Faina kawngah nasa takin hma lakna leh in zirtirna hmang  chhunzawm zel.

Faina kawngah Siaha District chuan nasa takin hma la in, tlawmngai pawl hrang hrang  te leh Village Council te tangkawp  chuan  mahni khua/veng  chhung theuh-ah Faina hnatlang  ngawrh takin an thawk a.  He Faina hnatlangah hian kawngpui phiahfai, kopang sam fai, tuiluankawr tihfai, bawlhhlawh bawm siam,  Fai inzirtina Banner tar etc. te an thawk a ni. Heng bakah hian  Biak-in ah leh veng chhung  information centre tin  atangin  mipui te chu mahni In leh a vel te tihfai theuh turin ngenna an siam a, mipui pawhin an zawm tha hle a ni.  Chanchinbu te pawhin Faina hi nunphunga neih tlat turin mipui hnenah zirtirna an pe reng bawk a ni.

Bawrhsap Office atangin Sawrkar Office hrang hrang te chu an Office leh a vel te tifai theuh turin hriattirna  leh ngenna an siam a. Chutiang bawkin District Education Office pawhin  School tin te chu an mahni School leh a vel te tifai theuh turin  hriattirna an chhuah bawk

Vawiinah pawh NULM hnuaia Self Help Group te chuan  Pi Lalnunmawii , SDO (S) leh  NULM/SJSRY  Project  Officer ni bawk kaihhruaina hnuaiah Faina hnatlang an thawk leh a ni.