Vawiin khan SIRD&PR buatsaihin ‘One Day Workshop on Programme on State Level Orientation on Decentralised Planning’ chu Aijal Club, Aizawl-ah neih a a ni a.  He workshop-ah hian Mizoram sawrkar hnuaia department hrang hrang hotu (Head of Department) mi 17 an rawn tel thei a ni.

One Day Workshop hi SIRD & PR Director Pi Maria C.T. Zuali-in a kaihruai a, LAD & PR Secretary Pu Rodney L. Ralte chuan workshop-a tel officer rualte lawmna thu a sawi a; Mizoram Chief Secretary Pu Lalmalsawma chuan workshop khuhhawnna a sawi bawk a ni. Pu Lalmalsawma chuan sorkar department ten eng hmalakna pawh nei dawn ila, ruahmanna (planning) felfai tak neih hmasak a ngai a, planning nei mumal lo tan hlawhtlin theih a ni ngailo a ti bawk.

He workshop-ah hian thuneihna semzai (decentralization) chungchang zirho a ni a. Thuneihna semzai (decentralization) dan kawng 4 (pali):- (1) Functional (Kalphungah) (2) Financial (Sum leh Paiah) (3) Administrative (Rorelnaah) (4) Political (Ram rorelfung siam kawngah) te zirho leh sawiho a ni.

Dr. H. Laldinmawia, Asst. Professor, ICFAI-in ‘Concept of Decentralised Planning’ a zirpui hnuin Dr. Lalhruaitluangi  Sailo, Core Faculty, SIRD&PR-in ‘Steps on Decentralised Planning’ a zirpui bawk a ni. Hemi hnu hian sawihona neihin tlaiah zanriah kilho nghalin workshop hi an khar a ni.