Tukin zing dar 7:00Am khan Siaha District Bawrhsap charge la mektu Pu VL. Hruaizela Khiangte, PD, DRDA hovin Siaha District Road Safety Committee ten Siaha khawpui chhung kawngpui leh Traffic dinhmun zirchiangin khawchhung an fang.  Vawiin Road Safety Committee te hian Kawngpui dipdal zawnga Insakna  leh Dawr bungrua dahtu te, Motor chhia kawngpui sira dahtu te leh  kawngpui nekchep zawnga in sa leh  Compound siksawitu te hnen-ah tawngka ngeiin ngenna siamin, huntiam chhunga lo in saseng fel vek turin an hrilhriat hlawm.

Vawiin  Road Safety Committee  Inspection neih chuan Traffic Police te leh MADC-a Road Transport Department , Revenue Department leh LAD hotute nen  inrawn khawmin, Dropping Zone, Parking Area leh No Parking Area  atana lo Chhinchhiah tawhte chu thlak danglam hret leh siksawih hret ngai a awm em tih te zirchiangin, tihtur tul chu a Concern Department tih tura hrilhriat nghal zel an ni.

Road Safety Committee Chuan New Siaha Sobji  Bazara,  Bazar thin mipui te him zawk nan  naktuk (8/7/2017) atanga hman tan turin, Inrinni (Saturday) apiangin New Siaha Vety Kawn leh Gov't Higher Secondary School peng inkar  Meter 400 vela thui chu Zinglam dar 6-9Am inkar chhung zawng "No Vehicle Zone" atan an puang nghal a ni.