Vawiin chawhma 11:30Am khan Siaha District Sanitation Task Force (SDSTF) te chuan Pi Lalnunmawii,SDO(S) leh District Project Officer, NULM ni bawk  kaihruaina hnuaiah,  SDO(S) office chamber-ah meeting an nei.

Vawiin meeting-ah hian Nikum atanga UD&PA Dept in a kalpui tan Khawpui Fai inelna   chungchang khunkhan taka sawi ho a ni. He Khawpui Fai inelna-ah hian Mizoram State chhunga Khawpui 23 te chu Category 2 a thenin: Category-I ah hian District Headquarters- 8 awmin, a bak khawpui -15 hi category -II ah an awm a ni.

Nikum 2017-ah khan Siaha Khawpui in Category-I hnuaiah 7-na dinhmun a hauh a. Hei hi SDSTF chuan  chhuanawm lo hle in a hria a.  Chuvangin vawiin meeting-ah hian Nikum aia kan dinhmun tisang zawk turin engtia hmalak tur nge tih ngaituahin khunkhan taka rorel a ni a. Siaha khawpui chhunga cheng mipui, NGO, VC, MADC leh GoM hnuaia Dept hrang hrang te kan thawhho dan tur te leh  Siaha khawpuiin Faina tluantling kan nei theih nana  thil pawimawh hrang hrang te sawihova; rel a ni.

Khawpui Fai inelna hi uluk tak leh felfai tak, duhsak bik awm lova kalpui tur a ni a. Endiktu atan Panel of expert te emaw Specialized Agency/Institution emaw ruat an ni ang.

He Khawpui Fai inelna hi heng a hnuaia tehkhawng leh point hmang hian teh an ni ang:

1) Open Defecation Free(ODF)----30 points

2) Solid Waste Management(SWM)---20points

3)Information,Education & Communication (IEC)-----10points

4) Community Participation------15 points

5) Cleaning of Drains, Rivers &Streams and activities on environment conservation------15 points

6) Public Feedback---10 points

Total Points--100

He endikna atan hian Framework siamin  creteria leh Marks fel tak duan a ni a. He khawpui Fai inelna atang hian Mizoram a Khawpui zawng zawng Ranking -2018 siam a ni ang. He ranking hi inelna neih a ni leh hma chuan a ding reng dawn a ni.

He Faina competition-2018-ah hian Category-I&II tan lawmman siam a ni. Hetiang hian:-

1st Rank---Rs.1 lakh+ Certificate+memento

2nd Rank---Rs.70,000/-+ certificate+memento

3rd Rank----Rs.50,000/-+certificate+Memento

Consolation Prize---Certificate of Participation

District tina khawpui Fai ber tan Certificate hranpa siam a ni bawk ang.

Heng khawpui fai inelna lawmman te hi 2nd Oct,2018-ah Faina Hapta hawnna inkhawmah semchhuah a ni ang.

Vawiin meeting hian Siaha District mipui leh chhungtin te chu  Siaha khawpui leh District vawnfai leh tihthianghlim hi  NGO, VC leh Sawrkar mawhphurnaah dah mai lova, chhungtin leh mimal tin ten mawhphurna in ang vek kan nei a, kan tan ho a tul a ni tih hre nawn turin a ngen bawk a ni.