Planning Department, Mizoram Sawrkarin a buatsaih - My Project, My NEDP - Mipui Mamawh Intawm Ruahmanna (MiMIR), New Economic Development Policy (NEDP) hnuaia ram leh hnam hmasawnna atan mi tam zawkin kan hlawkpui theih tur Project Concept Paper siam turin a sawm a. Aizawl District chhunga Veng, Khua leh Khawpui atangin he project proposal hi 70 dawn a ni a. Ni 24.7.2018 khan Project Proposal 19 Village Council leh Local Council atangin thlan chhuah an ni a. Ni 27.7.2018 khan District MiMIR Committee, Aizawl District ten DC Conference Hall, Aizawl-ah thukhawm leh in, ngun taka an ngaihtuah hnuah Sialsuk Village Council, Aizawl District in an Project Proposal thehluh ‘Sialsuk Ecotourism Development Innovation Project (SEDIP)’ chu pakhatna atan a thlang a, Project Proposal te hi Joint Committee ten Power Point Presentation hmangin an sawifiah nghal a ni.