Vawiin chawhnu dar 2:00Pm khan hman ni  lawk (19-22nd February) a 41st Robula Memorial Chess Trophy Championship Dawrpui Multipurpose Centre, Aizawl a in elna a Siaha District aiawha kal Siaha District Chess Association(SDCA) member te Pu Richard HT.Laltlanchhuaha leh Pu B.Lalramthlenga ten champion  Trophy leh First Runner Up lawmman  an lo hawn chu SDSC chuan an Secretary Pu N.Vabeiratlua, DIPRO office chamber-ah chawimawina thuziak leh thingpuiin an lo lawm sak.

Vawiin Felicitation Programme hi Pu TT.Khulua, Asst.Secy, SDSC in a kaihruai a, Pu N.Vabeiratlua in Felicitation Speech a sawi. Pu A.Thazi Treasurer leh Pu JH Beihnai, Sports officer, MADC ten chawimawina thuziak hi Pu Richard leh Pu Thlenga hnenah an hlan.

Pu N.Vabeiratlua chuan  lawmpuina thu sawiin Siaha District in aiawh 2 chauh kan tira, tuilet hnua la thleng ngai lo Pakhatna leh Pahnihna kan zuk ni mai hian  kan player te thawhrimna te, SDCA hruaitute thahnem ngaihna leh thawhhona thatzia te  a pholang chauh ni lovin, kawng engkima  District dang te aia Siaha District kan hniam bik lohzia a nemnghet hle a ni, a ti.

Vawiin Siaha District Chess Hero te lawmpuina Programme-ah hian  Pu.HC Lalthansanga, SDCA President, Pu JH Beihnai, Pu M.Baithai Vice President ,MJA Siaha Dist. ten fuihna thu tha tak an sawi.

Pu Richard leh Pu Thlenga te pawhin thusawina hun hmangin,  Chess a an zing kawng te sawiin, SDSC leh SDCA chungah pawh tih tak zetin lawmthu an sawi a ni.

41st Robula Memorial  Chess Trophy Championship-ah hian  Pu Richard HT.Laltlanchhuaha, Pakhatna lawmman dawngtu chuan   Trophy+Certificate+Rs.25,000/- a dawng a. Pahnihna lawmman dawngtu Pu B.Lalramthlenga hian Certificate+Rs.15,000/- a dawng ve thung a ni.