650/2026-2027

Dated Siaha, May 21, 2026: Vawiin chawhma dar 11:00 khan DC Mini Conference Hall, Siahaah Tourism Destination Management Committee (TDMC) Siaha District an ṭhukhawm.

Vawiin ṭhutkhawm hi Siaha District Tourism Destination Management Committee Chairman leh Bawrhsap nibawk Pu VL. Hruaizela Khiangte in a kaihruai a, member kal khawmte lawmna thu sawiin, Siaha district vanneihna chu mihringte siamchawp ni miah lo, khuanu siamsa hmunhma mawi tak tak a awm hi a ni, a ti. Chutiang ang hmunhma, chanchin ngaihnawm tâk tâk neite chu khualzinte hmuh theih tura thuziak tär te, sem chhuah mai theih tur lehkhabute (booklet) siam ṭhaa a hriat thu a sawi bawk.

Tunlaiah chuan hriselna hi mi tin ngaihpawimawh a nih tawh avangin khualzinte tlawh theih hmunhma kan neihah hian kea kalna tur leh lirthei kal theihna chin thliar a, chumi mila hma lâk ṭha a tih thu Pu VL. Hruaizela Khiangte chuan a sawiin, Siaha District chu hmun hla tak leh thlawhpawhna kawng pawh ṭha lo tak tia hriat ṭhin chu tun dinhmunah Mizorama Helicopter service ṭhatna bêr niin kar khatah Aizawl aṭanga Siaha vawi li a thlawk a, National Highway 54, Hrangchalkawn bakah Hnahthial/Tuipui South lam aṭangin awlsam taka kalpawh theih anih thu Chairman hian a sawi bawk.

Pi Rachel Lalrinhlui, Member Secretary leh Deputy Director, Tourism Department nibawk chuan Tourism Destination Management Committee hmalakna tur hrang hrang a tarlang a, Mizoramah khualzin lo lut tam chho mêkah hian mipuite leh department hrang hranga thawktute lungrual taka thawhho a ṭul thu sawiin, khuarel mawina tichhe lo zawnga hmalakna kalpui bakah tlawmngai pawl, kohhran leh khawtlang mipuite pawh kawng hrang hranga lo inbuatsaih a ṭul thu sawiin, khualzinte zarah ram mipuite hian hlawkna tam tak tel se tih hi sawrkar duhthusam anih thu a sawi bawk.

Vawiin ṭhutkhawmah hian Tourism Destination Management Committee member-te an kal ṭha hle a, member-te chu – Tourism department, Forest department (MADC), PWD, Rural Development department, DPO, Police department, Art & Culture department (MADC) an ni. Chairman Pu VL. Hruaizela Khiangte chuan lawmthu sawina hun hman tihtawp a ni.