No.6398/2020-2021 

Siaha; October ni 28:  AH&Vety Office, Siaha district chuan an DVO Dr.Sahlu Khaila kaihhruaina hnuaiah nikum(2019)
February thla khan Lungpuizawl Vety Farm atangin  Vawknote(a pa), a chi(sperm) atan vulh turin  vawk chi tha mi pahnih(2) *Landrace leh Yorkshire*  an zuk la chhuak a. 

He vawknote 2 te hi Vety Complex-ah vulhin; an vulh puitling ta a ni.Kumin 2020 July thla atang khan a chi(sperm) a la tan ta a, vawkpa 1  chauh chi pawh hian vawkpui 200-250 vel  a chawmzo  tura ngaih a ni. Tichuan kumin July thla tahrik ni 4 khan Pu. FC. Zase, College Vaih leh Pu Rohlira,New Siaha  Vawkpui te chu Kah Rai(AI)  an ni a. Nizan dar 9:00pm khan  Pu FC.Zase vawkpui chuan vawk note pariat(8) (A pa – 2 leh A nu – 6)  him takin  a nei a.Nizan vek  hian Pu. C. Rohlira, New Siaha te vawkpui pawh tluang takin no 6 (a pa-3 leh a nu- 3) a nei bawk a ni. 

Tunah hian Siaha District chhungah vawkpui 131 kah rai mek a  awm a.Heng vawkpui 131 ten tluang taka no an nei vek a ni chuan Siaha district chuan Vawk note-ah intodelhna  kawng a zawh tan tawh dawn a ni.

Attachment

  • Loading attachment...