Vawiin chawhma dar 11:00AM khan DC’s Conference Hall-ah Siaha Khawpui chhung hmunlun laia dah tur Dustbin semna hun hman a ni. He hun hi Pi Marilyn Rualzakhumthangi SDO (s) leh NULM Nodal Officer ni bawk chuan a kaihruai a, Pu K.Chhuabei, EM ( RD, Transport etc.) MADC chu khuallian a ni. Dustbin te hi District Innovation Fund leh Swatch Bharat Mission atanga lei an ni a, a vaiin 56 a ni.

Pu K.Chhuabei chuan thu sawiin, Hmasawnna leh changkanna rahbi hmasa ber chu Faina a ni a, Siaha mipui ten hmasawn leh changkan ve kan duh tak tak a ni chuan kan in leh lo, kan khawtlang leh mimal kan fai hmasak phawt a ngai a ni, a ti.

Vawiina sem chhuah tak Dustbin te hi Swatch Bharat Mission leh MADC LAD Department atanga Verification team ten Siaha khawpui hmunlun lai leh mipui vantlang punkhawm tamna an thlanchhuah hmun 56 a dahtur a ni.

Vawiin Dustbin semna hun hmanzawhah hian Pi Marilyn Rualzakhumthangi leh Henry Hmolai ALAO, MADC te kaihruaina hnuaiah Swatch Bharat Mission team leh Siaha College NSS te chuan Siahatlah veng ah house to house Faina Campaign neiin, vengchhung an ti fai nghal bawk a ni.