Vawiin chawhma dar 10:30AM khan Renewal & Augmentation of SGWSS chu Trial-run neih a ni a, Tui lakna hmun Titlao Chavah ( Tuitlawk Lui) atangin Main Reservoir-ah Tui Pump thlen a ni. Main reservoir hi Siaha Khawpuia hmun sang lai Helipad-a siam a ni a, Titlao Chavah atang hian 3911Rm a thui a ni. Tuilakna Titlao Chavah atanga Main Reservior san zawng ( Dynamic Head) hi 920m a ni a. He Renewal & Augmentation of SGWSS hi Urban Ministry( 10% Lump Sum Grant) atanga Fund dawn Cheng Nuai Rs.2070.20 a siam a ni a, a thawktu chu M/S swarn Jayanti Construction Company Pvt.Ltd te an ni.

Renewal & Augmentation of SGWSS hnuaiah hian Titlao Chavah atangin nitin tui Litre maktaduai 2 leh nuai 5 pump chho thei tura ruahman a ni a. Chu chuan Kum 2043 thleng nitin mipakhat tan tui litre 70 zelin mihring 49,700 chawm thei tura beisei a ni. Chhiarpui hnuhnung berah Saiha khawpui ah mihring 25,065 an awm a, chawhrualin nitin an tui mamawh zat chu litre nuai 17 leh sing 5 vel a nih laiin, chawhruala nitin Saiha khawpuiin tui litre nuai 4 leh sing 5 vel chauh an hmu thei a ni mek. Tunah hian Electric Power Supply a la awm rih loh avangin, Diesel Engine hmanga Trial-run neih a ni a, tui darker khat pump nan Diesel 100 litre zel mamawh ang a ni.

Pu H. Duhkima, SE Lunglei Watsan Circle PHE chuan tunah mai chuan mipui te pek chhuah tura an la inpeih chiah lo thu sawiin, a hma thei ang bera Siaha mipui te Titlao tui hmantir thei turin theitawp an chhuah mek a ni ti hria a, Siaha mipui te pawhin dawhtheih taka lo nghak hram hram turin a ngen a ni.

Vawiin Trial-Run neihna-ah hian Pu RT Zachono, CEM MADC leh EM thahnem tak, Pu S.Hiato Ex-Minister i/c PHE, Head of Office thahnem tak, NGO hrang hrang hruaitu te, PHE Official te leh Chanchinbu mi te chu Main Reservoir awmna Helipad-a an pungkhawm a, Titlao Chavah tui in Main reservoir a rawn thleng chu kut bengin an lawm a. Pu RT Zachono in Renewal & Augmentation of SGWSS hlawhtlin nana an ram te ui lova thawhtu te, hnathawktu hrang hrang mimal, pawl leh sawrkar hnenah lawmthu sawiin, Pathian hnena tawngtaina hun a hmang bawk.