Vawiin chawhma dar 11:00 Am khan Pi Marilyn Rualzakhumthangi S.D.O. (S) Siaha District kaihhruaina in D.C’s Office Chamber-ah Siaha khawpui chhung kawngpui sira thil zuarte chungchang ngaihtuahin meeting neih a ni.

He meeting ah hian khawpui chhung kawngpui kama thil zawrh chuan mimal eizawnna a siam bakah retheite chawikanna hmanrua pawimawh tak anih thu sawi ani a, khawpui chhung kawngpui dunga thil zawrh hi khawpui hmasawnna in a kentel anih thu tarlan ani bawk. National Urban Livelihood Mission (NULM) chuan heng kawngpui sira inzuarte harsatna sutkianpui leh an inzawrhna tur kawngsir hmun tha hauhsakte, Loan hmuh tir dan ngaihtuah te, an thiamna tihpun bakah Social Security an neih theih ngeina tura tanpui a tum a, NULM component hnuaia “The Support to Urban Street Vendors” chuan he component kalpui dan tur strategy leh Operational Guidelines te a tarlang a ni.

He Component in atum ber chu kawngsir a inzuar tena harsatna an tawh awlsam bikna chu kawng hrang hranga sutkian pui a ni. He meeting-ah hian heng kawngpui sira thil zuarte chungchang a State sawrkar mawhphurhna te leh Local Authority leh Planning Authority te tihtur chin pawh huam zau taka sawiho a ni a, Urban Local Body ten endikna nei in an Identity Cards te pawh kimchang taka siam nise tih sawi ani a, heng Identity Cards te hi Bank Accounmt hawnna tur atan te, Loan lakna leh Social Security atan te Document pawimawh anih tur thu sawi a ni.

He meeting-ah hian kawngpui sira inzuarte enkawl dan tur hrang hrang heng-Preparation of City Street Vending Plan, Infrastructure Inprovement,Training and Skill Development, Financial Inclution, Opening of Basic Savings Bank Deposit Account, Access to Credit, Credit Card for Urban Street Vendors, Linkage with Social Security Schemes, Sanctioning Committee at the State Urban Livelihoods Mission, Monitoring and Evaluation leh Funding Pattern te huamzau taka sawiho a ni.

He meeting-ah hian Siaha khawpui chhunga Village Council Member te, LAD, MADC aiawh te,Siaha-a Chamber of Commerce hruaitute,Chawhmehzuar pawl aiawhte leh UD&PA atanga Official lo kal te an tel a ni.