No.635/2020-2021 

Vawiin chawhnu khan Siaha District Disaster Manangement Authority Chairman leh Bawrhsap ni bawk Pu Bhupesh Chaudhary IAS chuan Siaha khawpui chhunga quarantine Centre te a hmunah tlawhin a enfiah. May ni 3 hnuah State pawn lama Siaha district mi leh sa awm te chu lo haw theih tur ni ta hlawm se, chutianga may ni 3 hnu lama  lo haw ho lo dahhranna tur quarantine centre te chu a hmunah kal chilhin hman tlak a ni leh ni lo te a enfiah a ni. Tunah hian Siaha khawpuiah hian quarantine Centre  atan hman tur  building thlanchhuah 7  awmin; hman nghal thei vek an ni. Heng quarantine centre 7-ah hian an vaiin mi 230 an khunghrang thei dawn a ni.

Quarantine Centre leh mi awm theizat:

1) District Panchayat Resource  Centre(DPRC),Building - 41 

2) ITI  Hostel - 19 

3)DIET (old Building) Building - 28

4) MDC  Hostel - 39

5) PWD IB - 8

6) Tourist Lodge - 51

7)Girls' Hostel,Gov't Saiha College - 44

Heng bakah hian Tipa  RD Block hnuaia  awm te tan Tipa khua-ah quarantine centre 3 awmin, a vai belhkhawmin mi 33 quarantine theina tur a ni. Tichuan tun dinhmunah Siaha district chhungah quarantine centre 10 awmin, a rualin mi 263   quarantine na tur ruahman fel tawh a ni.