87/2022-2023
Siaha, 8th April,2022 : Nimin chawhnu dar 2.30:00Pm khan District bawrhsap Pu Lalsangliana chuan KVK Siaha in Noaotlah ramchhunga Beinô lui kam Hmaihrem Zawl a ICAR-IARI NEH hnuaia chin Alu sengna hun chu khuallian niin a hmanpui. Programme hi Dr. H. Vanlalhmuliana, Senior Scientist & Head, KVK Siaha in a kaihruai.

Khuallian Pu Lalsangliana chuan thu sawiin, Alu hi thlaiah chuan chhungkaw tinin kan ei nasat ber zinga mi a ni a. Mizoram chhunga Alu kan ei hi kan tharchhuah aiin State pawn lam atanga kan chawhluh a la tam zawk a ni. Chutiang a ni mek laia KVK Siaha in Alu a kan District kan intodelh ve theih nana an hmalakna zinga pakhat, Alu(Kufri Jyoti- variety) hi kan rama a chin ve theih dawn em, tih enchhinna tura Hmaihrem Zawla an hmalakna-a hlawhtlinna an hmu hi KVK Siaha te ka lawmpuiin, ka chhuang tak zet a ni, tiin, Nakkum atang chuan Alu (Kufri Joyti) chin beihpui thlaka,kan Siaha District pawn lam thlenga thawnchhuak theih turin Alu chingtu te leh KVK Siaha te chu fuihin,duhsakna a hlan hlawm bawk a ni.
DC Pu Sangtea chuan kan thawhrimna leh thawhrah te hmang hian Sawrkar chochhuah i tum tlat ang u, a ti bawk.

Nimin programme-ah hian Pi S. Sisi, SMS(Horticulture) KVK, Siaha chuan Technical Report pein, tuna Alu kan seng hi Kufri Jyoti variety a ni a. Kan tlang ramah pawh a chin theih a, a tha a ni tih mit ngeia kan hmu theih avangin kan lawm hle a ni.Chin tam a nih theih nan KVK lam pawhin theih tawp kan chhuah zel ang, a ti.

Pi Vanlalhluzuali, SMS (Agril. Extension) chuan lawmthu sawiin, vawiin hun hi khar a ni.