2432/2022-2023
Siaha; the 26th October, 2022: Vawiin khan KVK Siaha te chuan Mass Distribution of potato seeds (kufri Jyoti) Under ICAR IARI - NEH programme leh Training on Natural farming an huaihawt.

He hun hi Dr.H.Vanlalhmuliana, Senior Scientist & Head , KVK Siaha chuan kaihruaiin, training an pek chhan te sawiin, loneituten tangkai taka an training pek te hmang turin fuihna thuchah a sawi bawk.

Pu Beihruakhai, Executive Member Agriculture Mara Autonomous District Council chuan khuallian niin hun a hman pui a. Loneitute chu taima tak leh rinawm taka thawk turin leh thlai hrisel tak thar teuh turin kalkhawmte a fuih a. Nakkumah chuan Mara ram tharchhuah ngei Alu ei thei tur in Alu chi la tute a fuih bawk a ni.

Pi S.Sisi SMS(Horticulture) leh Pi J.Vanlalhluzuali , SMS(Agril.Extension) ten Alu chin dan leh Natural farming pawimawhna te zirtirna an pe a. He training hi loneitute thlan bik Chhaolo, Lopu, Siata, Naohtlah, Zyhno ,Tisi te hnenah pek an ni a.An huan thlai enkawlna chungchanga harsatna an neih te sawiho in a enkawldan te an in zirtir bawk a ni.

Pi Catherine Chozah, Senior District Agriculture Officer, MADC, Pu Lalrinzuala, Assistant District Agriculture Officer,Siaha, Pi Elizabeth Khaimichho Project Director ATMA, Dr.Chawngkuma Chawngthu, President, AMFU Siaha District, Pu K.Lalmalsawma, Secretary, AMFU Siaha District ten vawiin programme hi hmanpuiin, fuihna thu tha tak tak an sawi theuh bawk a ni.

Pi J.Vanlalhluzuali, SMS (Agril.Extension ) in lawmthu sawinain vawi programme hman hi a khar ta a ni.