No.423/2021-2022

Siaha, May ni 6 : Vawiin khan Siaha khawpui chhunga Covid-19 hri darh mek zel leh he hri tai darh zel tur ven nan Dr. C. Hnichho, CMO leh Dr.K.Rakhu,Nodal Officer Cluster Operation te kaihruaina hnuaiah Siaha Medical Team te chuan Laila Hall,College Vaih leh MTP Hall,New Colony vengah inkulhin, chak takin hma an la tan ta. Tarik ni 03.05.2021 khan Siaha khawpui chhung RAgT Random Test neih a ni a, hetah hian Covid-19 hri vei mi 30 hmuchhuah an ni a. Tunah hian Siaha Town-ah Community Spread a awm tan tawh a hriat a ni. Hemi avang hian Covid-19 +ve tamna veng New Colony leh College vaih-ah Medical Team te hian inkulh chilhin, MTP Branch te tanpuina in Primary leh Secondary contact zawng zawng zawnchhuah a, RAgT hmanga test vek turin hma an la tan ta a ni.

Medical Team te hian heng veng 2 a Covid-19 +ve hmuhchhuah hnuhnung berin, Covid Care Centre(CCC) a chhuahsan thlengin Laila Hall leh MTP Hall-ah an inkulh chilh anga, tichuan veng dangah an insawn zel dawn a ni.