2175/2026-2027

Siaha, the 11th September, 2026: Nimin Dated 10/09/2026 khan Siaha Officers’ Club (SOC) te chuan SDFA Ground, Meisatla-ah General Body Meeting cum Football Friendly Match an nei a, hemi rual hian DC farewell programme an hmang bawk.

SOC President Pu Beingiachhie, Sr. EO (MS), MADC kaihhruai General Body Meeting-ah hian Club hruaitute hmelhriattirna neih niin Member thar 9 lawm luh nghal an ni.

President chuan SOC motto chu ‘To Work in Unity’ a ni tiin, member-te inpawh zawkna tur leh thawhhona a that zawk theih nana din a nih thu a sawi a, a thupui ang taka lungrual taka thawk ho zel turin member-te a sawm.

He hunah hian SOC Constitution siam that ngai lai te enhoa siam that a ni a, heng bakah sawiho tura rawtna lut - zirlaite tana Career Guidance buatsaih leh mi harsa zawkte tanpuina tura thawmhnaw hlui / hak tawh loh khawn khawm a, pekchhuah tur tih te chu lungrual taka pawm a ni.

Siaha District Bawrhsap Pu VL Hruaizela Khiangte, Transfer ta thlahna ni bawk 2nd Session-ah hian State leh Central Officers tangkawp leh MADC Officers te chuan Football Friendly Match an khel a, hmeichhia tan Dart Throw buatsaih a ni. Pu K. Vanlalliana, Executive Secretary, MADC chuan Award Distribution a nei a, Pu VL Hruaizela Khiangte chu SOC hmingin ngaihhruina momento hlan nghal a ni.

SOC OFFICE BEARERS (2026-27)

President - Pu K. Beingiachhie (Sr EO M/S) MADC

Sr. V/President - Pu H Ramhluna (DRO)

Vice President - Pu JH Beihnai (RDO, MADC)

Secretary - Pu Reuben T. Kompa (DD, DLEO) 

Asst. Secretary - Pu Beimosia Lapi (Addl SP)

Finance Secretary - Pi Lalsiampuii (DCPO)

Treasurer - Dr. HC Joane Mary (CVO, MADC)

PATRON MEMBERS

Deputy Commissioner, Siaha

Executive Secretary, MADC

Superintendent of Police, Siaha