1795/2025-2026

Siaha the 22nd August 2025: Siaha Officers’ Club (SOC) te chuan vawiin khan MADC Golden Jubilee Hall, Council vaih-ah zirlaite tan Career & Vocational Guidance Programme an buatsaih a, Pu JH Beihnai, SOC Vice President, Dy Secretary (GAD) MADC nibawk chuan he hun hi a kaihruai a ni.

Zirlaite puala buatsaih career guidance-ah hian Dr HC Joane Mary, SOC Treasurer, Clinical Veterinary Officer, MADC ni bawk leh Pu Reuben T Kompa, SOC Asst Secretary,  Deputy Director, District Labour & Employment Office ni bawk te chu resource person niin zirlaite hma lam hun atana kaihruai thei tur thupui hrang hrang hmangin zirtirna an pe a, pawl sawm zir zawha career awm leh zir chhoh zel dan chungchangah zirtirna pein zirlaite chu tumruhna nen an nih tuma chiang tlat turin leh a hma lama mahni tuina hre turin an chah hlawm a ni.

Dr Lalrengpuii, Dy CMO chuan keynote address pein Pu Beimosia Lapi, Addl SP, Siaha hnen atangin fuihna thu tha tak ngaihthlak a ni bawk a, Pu K Machhua, Exe Member, SOC, Planning Officer, MADC ni bawk chuan hunserh a hmang thung. Resource person te hnena certification hlanna chu Pu Lalrammawia, SOC Ex Member, DSO ni bawk chuan neiin Pi K Ngosai, Exe Member SOC leh DIPRO ni bawk hnen atangin tawp kharna (concluding remarks) ngaihthlak a ni bawk a ni.

Govt Vaihpi High School a pawl kua leh Pawl sawm zirlai mi 160 leh an zirtirtu thenkhat ten vawiin hun hi an chhim a, zawhna leh chhanna hun te neih niin hun hlawkthlak tak hman ho a ni.