No.379/2021-2022

Siaha, May ni 3 : Chief Medical Officer hnen atanga report zulzuiin leh Siaha khawpui chhunga Covid-19 Random Test kalpui mekah hri kai an awm nual a, he hri hi khawpui chhung hmun hrang hrangah a darh mek niin a lang. Hri darh chin hi chhui zel a ngai a, Random Test pawh chhunzawm zel a ngai bawk a ni.

Chuvangin, Shri Kesavan R, IAS, Siaha District Magistrate chuan The Mizoram Epidemic Diseases (Covid-19) (First Amendment) Regulation, 2020 11(1)(b) tlawhchhanin leh Mizoram sawrkar Order (No.B.13021/101/2020-DMR/Vol-IV dated 01.05.2021) Clause A.2(1)-in a tarlan angin Siaha town chu Containment Zone-ah puan a ni.

Containment Zone chhungah hian Medical Duty, Security Duty te, dan kengkawhtute (VLTF duty te huamin) leh Vaccine (2nd dose) la tur tih chauh lo chu luh leh chhuah phal a ni lo. Siaha khawpui chhunga mipuite chu mahni in chhuahsan lova awm theuh tura hriattir kan ni.

Siaha khawpui paltlanga zin turte erawh chu ding muang lova lirthei hmanga tlan tlang phal a ni.

He thupek hi thu leh awm hma atan hman tur a ni ang.