3199/2023-2024

Dated Siaha 29th December 2023 : Vawiin khan DC Mini Conference Hall, Siahaah 39- Saiha A/C leh 40-Palak A/C -te Expenditure, Election Expenditure Observer Pu Dev Prakash Bamanavat (IRS) hovin Account Reconciliation  neih a ni.

Vawiina Candidate Expenditure Account Reconciliation hi  Pu Lalhmunsanga Hnamte, DEO chuan a kaihruai a. Hunpui laia inkohkhawm chu inthlahrunawm viau mahse, a tul miau avangin kalkhawmte chuangah lawmthu a sawi hmasa a. Inthlann felfai leh thianghlim taka zawhfel a ni chu candidate leh political party -te thawhpuina tha tak vang a ni, a ti. Kum thar hlim leh nuam taka hmang turin duhsakna a hlan nghal bawk.

Vawiin thutkhawmah hian Siaha District chhunga Assembly Constituency pahnih a candidate ten inthlan vuakvet atana an sum hman dan endik a ni a.  Candidate-te account bu (Candidate Expenditure Register) , Accounting Team-in an vawn ‘Shadow Observation Register’ leh Bank Statement te endik an ni. Candidate- ten inthlan a hman tura an bituk zah cheng nuai 28 thleng chu dik takin hman a ni em tih en ho niin, diktakin an hmang vek tih pawm a ni.

Account Reconciliation Meeting ah hian Election Officer, Nodal Officer, Election Expenditure Monitoring, ARO, AEO-te bakah Palak MLA, Candidate leh Candidate Expenditure Agent-te an tel a ni.