3131/2023-2024

Dated Siaha 20th December 2023: Vawiin khan Chief Minister's Discretionary Grant kaltlangin Krismas thil pek semchhuahna DC Office Chamber- ah neih a ni a. Pu Lalhmunsanga Hnamte, District Bawrhsap chuan Chief Minister -aiawhin tanpuina hi a semchhuak.

Pu Lalhmunsanga Hnamte chuan Siaha mipuite duhsak taka tanpuina petu Chief Minister leh a thawhpuite chungah lawmthu a sawi a. Siaha District mipuite Chief Minister Office- in min hrereng a ni tih tilangtu pawimawh tak a ni, a ti. Tanpuina dawngtute chu an sum dawn ang angte tangkai taka hmang turin a ngen a. Krismas leh kumthar hunpui lo thleng turah Siaha mipuite duhsakna hlan in chhungkaw tinte duhsakna chibai a buk nghal bawk.

Vawiina Chief Minister's Discretionary Grant dawngtute chu

1. Maraland Gospel Centenary Hospital
2. Kalvari Healing Ministry
3. Orphanage Boys' Home
4. Grace Children's Home
5. District Hospital
6. Observation Home

Vawiin tanpuina semchhuahna hun hi Pi B. Malsawmtluangi SDO (S) in a kaihruai a. DC Office- kaltlangin Agape Home, Amyubo Vaihthie, hnenah Krismas tanpuina pek nghal a ni bawk.