3761/2023-2024

Dated Siaha 9th February 2023 : Vawiin chawhma dar 11 khan 'District Level Task Force On Ruihhlo Do' chu DC Mini Conference Room-ah an thukhawm a, Pi Lalnunmawii Addl. DC chuan thutkhawm hi a kaihruai.

Pi Lalnunmawii chuan ruihhlo chu ṭhalaite suattu leh chhungkaw tam tak tibuaitu, ram leh hnam hmelma a nih avangin theih tawpa do a ṭul a ti a. Sawrkar pawhin ruihhlo do a ngaipawimawh hle a, a do na turin Siaha District- chuan cheng 4,50, 000 lai Mizoram sawrkar atangin a dawng a ni, a ti. Ruihhlo do na tura sum hmuh chu a tul ang angin hman a nih thu tarlangin tun dinhmunah Police, Excise leh MTP -ten Ruih hlo do na tura sum an hmuh ang angte an hman zawh tawh avaning sawrkar thuneitute hnenah an harsatna thlen thuai a ni ang a ti a. Sawrkar atang a sum hmuh chu duhkhawp ni chiahlo mahse a tangkai thei ang bera hman zel a tul tiin Pi Lalnunmawii chuan ram leh hnam a him leh dinchhuah na tur anih avangin mi tinin theihtawp chhuah zel a tul tak zet a ti.

Pi Lalnunmawii chuan ruihhlo do kawngah tlawmngai pawlte an tangkai hle a ti a, sawrkar kutah engkim dah theih a ni lo a tlawmngai pawl nena thawhhona nen lo chuan ruihlo do rem a harsa a ti. A bik takin MTP-ten thahnem an ngai thin hle a, chhun leh zanin ruihhlo do turin an inpeih reng thin a, an inpekna a fakawm hle tiin tha thlahlo a theihtawp chhuah zel turin a ngen a ni. Ruihhlo in thihna tam tak a thlen thin avangin tumah inthlahdah theih a ni lo tiin mimal, chhungkua, khawtlang, tlawmngaipawl, Kohhhran leh sawrkar- ten ruihhlo do tura lungrual taka ke pen ho a tul tak zet a ni, a ti a. Inlungrualna leh thawhhona tha tak nen a hmalak zel a nih chuan ruihhlo do chuan rah tha tak a chhuah ngei dawn a ni tiin Siaha mipuite chu theihtawp chhuahpui turin a sawm.

Vawiin thutkhawmah hian thu pawimawh tak tak ngaihtuahho a ni a. Ruihhlo ti lo tura inzirtirna (Awareness Campaign) School leh Kohhran lama kalpui thin chu chhunzawm zel nise an ti a. Tun dinhmunah khawpui chhunga High School leh Higher Secondary School - 28 ah inzirtirna neih tawh a nih thu sawi niin, thingtlang lama School- ah te a hma thei ang bera inzirtirna kalpui a nih theih nan District Master Trainer- ten ruahmanna lo siam se an ti a. Kohhran Sunday school- pakhat -ECM, Siaha Vaihpi ah Ruihhlo do campaign neih tawh niin, Kohhran sunday School-a Awareness campaign neih chhunzawm tura hmalak ni se an ti bawk.

Supply Reduction- lamah tan lak nasat a ngai hle an ti a. Ruih hlo lo luh na hmun chu uluk zawka enfiah leh vil thin nise tih a ni a. Siaha District chhunga Ruihhlo lo lut thin titlem turin Police, Excise leh MTP lam ten theihtawp lo chhuah chhunzawm zel se an ti a. Police, Excise leh MTP lam ten awmzia nei leh mumal zawka ruihhlo lo lut tur an ven theih nan thutkhawm lo nei ho thin se an ti a. 20th Battalion Assam Riffles-ten ruihhlo do kawnga theihtawp an lo chhuah thin chu lawmawm tiin a tul leh remchan dan angin thawhpui zel ni se an ti bawk.

Vawiin thutkhawmah hian Addl. Superintendent of Police, Excise & Narcotics Department, Sr. Chief Medical Officer aiawh, District Social Welfare Officer, DIPRO bakah MTP President, MJA President leh Siaha District-a Master Trainer- te an tel thei a ni.