3760/2023-2024

Dated Aizawl, the 9th February, 2024: Vawiin khan PHD Chamber of Commerce & Industry te chuan Maniram Dewan Trade Centre, Guwahati, Assam ah 3rd Edition of Momentum North East, 2024 an buatsaih a. Chief Minister Pu Lalduhoma chu khuallian a ni. KC Malsawmzauva, Adviser to Chief Minister chu khualzahawm a ni.

Thusawiin Chief Minister chuan, a kaihhruai sawrkar chuan khuarei daih hmasawnna (sustainable development) nei turin kawng hrang hrangin hma a la chho tan a. Infrastructure lamah te, Industry lamah te, IT lamah te, Education leh Health sector lamah te, Energy lamah leh skill development lamah te, hmasawnna tur awm apiangah hma la thei leh thiamte tanpui turin kan inbuatsaih a. Loneitute thlai thar leisaka an tana market nghet tak buatsaih turin hma pawh kan la nghal a ni, a ti. Mizoram chhunga leilung hausakna awm ang ang, a bikin mau leh medicinal plant lamah te pawh, a hman tangkaina hria, thawkchhuak theite chu kan 'bana kaih' policy hmangin nasa takin tanpui a tum a. Mahnia intodelh ram nih nei tumin kan bei dawn a ni. Huang hrang hrangah hmasawn theihna remchang a la tam em em a. Heng huangah te hian mimal enkawl emaw company te pawh; a hlawkna kan tel tlan theih hmalakna rawn nei turin ka sawm che u a. Mizoram rawn tlawh ula, resources awm te rawn hmuin, mipuite nunphung te rawn hriain, ram ralmuang leh mawi tak a ni tih mit ngeiin rawn hmu rawh u, tiin a sawm a ni.

He hunah hian India ram hmun hrang hrang atanga kalkhawm Industry leh Company neituten an hnathawh leh hmalak theihna te presentation an pe a. A tul ang zela inbe chhunzawm turin ruahmanna te an siam a ni.

Pu Saket Dalmia, President, PHD Chamber of Commerce & Industry chuan inkhawm hi a kaihruai a, Guwahati Mizo Zirlaiten mawi takin Cheraw lam an entir bawk.