653/2024-2025

Dated Siaha 4th  June 2024 : Tukin zing dar 5 khan Member of Parliament (LS) inthlanpui 2024  neih zawh taka 39-Saiha (ST) leh 40- Palak (ST) Assembly Segment- a vote tlate chhiar tura ruat Counting Officials - randomization thawh thumna leh a hnuhnung ber chu DC Mini Conference Hall- ah neih a ni a, randomisation ah hian Counting Officials- te thutna tur  chu computer hmanga ruatfel a ni.

39-Saiha (ST)  leh 40- Palak ( ST) Assembly Segment-a vote tlate hi tukin zing Dar 8 atanga chhiar tan tur niin postal ballot vote chhiar phawt a ni ang a, dar 8:30 atangin EVM- a  vote  tlate chhiar chhunzawm  a ni ang. Vote chhiarna tur hian 39- Saiha (ST) AS-ah dawhkan 10 (2 reserved) leh 40 Palak (ST) AS-ah dawhkan 11 ( 3 reserved)  a awm ang.

Vawiin randomization-ah hian 39-Saiha (ST)  leh 40- Palak (ST) Assembly Segment Counting Observer tura ruat Pu Bhanu Prakash  IAS, bakah Pu V.L. Hruaizela Khiangte, District Election Officer leh 40- Palak (ST) Counting ARO nibawk leh Pu Abraham Beirazi Khithie, Counting ARO 39- Saiha (ST)  leh  Election officials dangte an tel a ni.