3423/2023-2024

Dated Siaha 22nd January 2023 : Vawiin khan India Republic Day vawi 75-na hman dan tur sawihona DC Mini Conference Room-ah neih a ni a. Pi Lalnunmawii, Addl.DC chuan sawihona hi a kaihruai.

Pi Lalnunmawii chuan 'Republic Day' chu India ram Danpui hman ?an ni a nih thu leh Danpui chu sawrkar inrelbawl dan hriltu ber a nih avanga a hlutzia a sawi a. Hlawhtling taka Republic Day hman anih theih nan department hotute chu an mawhphurhna ngai pawimawh turin a chah a. India khua leh tuite tan ni pawimawh tak anih thu tarlangin a lawmna hunah pawh sawrkar hnathawk leh mipuite chu a tam thei ang ber kalkhawm turin a sawm nghal bawk.

India Republic Day vawi 75- na hi Siahaah chuan District Playground, Vaihpi ah hman a ni dawn a. Zing dar 6- ah India hnam puanzar chu sawrkar Pisa zawng zawng ah zar tura tih a ni a. A lawmna pui ber chu zing dar 10:30 ah District Playground, vaihpi ah tan a ni ang . Khuallian hian zing dar 11 ah hnam puanzar pawhparhna neiin hnam puanzar zahna chibai buktu Parade contingent- te chhangletna a nei nghal ang. Kumin Republic Day- khuallian tur hi Pu Lalhmunsanga Hnamte, District Bawrhsap niin Parade contingent- uniform contingent- 4 leh School contingent 10 an awm ang. 20 Battalion Assam Riffles-ten an thiamthil-Weapon Display an nei dawn bawk a ni. Republic Day puala buatsaih Volley Ball Tournament- lawmman semna leh Parade contingent- te hnena lawmman pekna bakah Siaha District chhunga Hospital leh Homes- 11 te hnenah sumfai hlanna neih a ni bawk ang.

Vantlang puala Republic Day lawmna pui ber District Playground, Vaihpi a neih zawhfel a nih hnu hian kum danga tih thin angin' VIPs At Home' program-chu Circuit House, New Siahaah neih leh a ni dawn a, he program- hi Deputy Commissioner, Siaha chuan a thleng dawn a ni.

Vawiin thutkhawmah hian mawhphurhna nei sawrkar Deparment- te an telkim thei a, Pi B. Malsawmtluangi, SDO (Sadar) chuan lawmthu sawina neiin hun a khar.