2219/2023-2024

Dated Siaha 9th October 2023 : Vawiin chawhma dar 11 khan DRDO Conference Hall, Siahaah 'Right To Information (RTI) Week' hman a ni a, Addl. Deputy Commissioner Pi. Lalnunmawii chuan he hun hi a kaihruai a ni.

Pi Lalnunmawii chuan RTI Act-in mipuite kutah thuneihna sang tak a pe tih sawiin RTI Act- in a tum ber chu sawrkar rorelna tha leh dik awm tir a, sawrar hnathawk ten an mawhphurhna an hriat a, mipuiten sawrkar kalphung thuk zawk an hriatna tura thawh a ni, a ti a. Eirukna leh hlemhletna dona atana thil tangkai tak a ni tiin, mipuiten uar leh tangkai zawk a hmang thin turin a chah a. RTI hmansualna kawng tamtak a awm thei tih hriaa, mimal inhuatna avanga RTI hman dik loh a awm fo thin tiin, dik leh anihna ang taka hmang turin kalkhawmte a chah nghal bawk.

Pu Zonunchama Ralte, DIPRO chuan RTI Act- chungchang inzirtirna leh hrilhfiahna hun a nei a, zawhna leh chhanna hun hman nghal a ni.

Vawiin RTI Week, 2023 hmanna inkhawm ah hian Head of Department- te bakah Tlawmngaipawl, khawtlang hruaitu aiawh, thutharthehdarhtute leh Govt. Siaha College zirlaite an tel a. Pi B. Malsawmtluangi SDO (Sadar) chuan lawmthu sawina neiin hun a khar.