4377/2023-2024

Dated Siaha 28th March 2024: Vawiin khan kum 2024 Member of Parliament (LS) inthlanpui lo awm tur puala inbuatsaihna pakhat 'Sector Magistrate Training' chu DRDO Conference Room, Siaha ah neih a ni a, Pu V.L. Hruaizela Khiangte, District Election Officer, chuan training hawnna hi a nei.

Hawnna inkhawm ah hian thu sawiin Pu V.L. Hruaizela Khiangte chuan India ram chu mipui thlan tlin sawrkarna ram anih vangin mipuiten an aiawh dik leh fel taka an thlan a pawimawh hle a ni, a ti a . Sectoral Magistrate -te chu Election Commission of India kutke pawimawh tak an nih avangin inthlanna hlawhtling tak neihna tura an pawimawhzia hre reng turin a fuih a, Election Model Code of Conduct leh inthlan kaihhnawiha dan awm hrang hrangte hre chiang turin a chah a. Inthlanna felfai leh thianghlim tak neih a nih theih nan Sectoral Magistrate- te chu an hna pawimawhna hriaa, thahnem ngai taka training turin a chah a ni.

Vawiin 'Sector Magistrate Training' ah hian District Master Trainer pahnih Pi R. Lalnunkimi leh Pu Ngurthansanga te chuan training hi an pe a. Kum 2024 MP (LS) General Election lo awm tur atan hian Siaha District chu Sector-21 ah then a ni.