4376/2023-2024

Dated Siaha 28th March 2024 : Vawiin chawhma dar 11 khan DC Mini Conference Room-ah New Siaha East- II leh College Vaih -III Village Council Constituency by-election neih tura Draft Electoral Rolls, ni 1, April, 2024 tehfung a hmanga duan chu Pu V.L. Hruaizela Khiangte, District Election Officer chuan a tlangzarh.

Pu V.L. Hruaizela Khiangte chuan kan hma lawkah MP ( LS) Election neih a ni dawn a, chutih rualin Village Council by- Election neih a tul avaning Official leh party lamte an hah dawn hle a, theihtawp chhuaha thawhho a pawimawh dawn hle a ni, a ti. Electoral Roll- a vawikhat in dah luh a nih tawh chuan in paih leh mai mai chu thil harsa tak a ni a, chuvangin electoral roll-a inthun dawn hian fimkhur a tul hle tiin political party mite pawh ram leh hnam hmangaih taka thawk tur leh Official- te lo venpui turin a sawm a ni.

Pu V.L. Hruaizela Khiangte chuan party hruaitute hian mi an hrechiang em em a ni tiin electoral roll- a thun turte chu India khua leh tui dik tak an ni em tih te ngun taka lo zirpui turin a ngen a. Inthlanna a hnehna chan duh luata diklo taka electoral roll- a inthun tura hmalak a nih chuan harsatna lian zawk kan la tawk thei dawn a ni tiin, fimkhur taka hmalak a tul a ti . Village Council Member-te chu Grassroot- a hnathawktu tur an nih avangin an pawimawh em em a, mi dik leh tha thlanchhuah an nih theih nan mipuite pawhin rilru fim tak hmang se a duh thu a sawi a. Inthlanna felfai leh thianghlim tak nei turin Party mi leh sa, New Siaha East- II leh College Vaih- III mipuite duhsakna a hlan nghal bawk.

Vawiina draft Electoral Rolls tlangzarh tak atanga a lan danin , New Siaha East-II ah hian vote nei mipa- 281, hmeichhia- 301 an vaiin mi - 582 an awm a, College Vaih-III ah vote nei mipa- 312, hmeichhia- 345 an vaiin mi- 657 an awm a ni.

By- election neihna tur New Siaha East-II ah hian seat hnawhkhah tur 6 ( General & Reserved) awmin, College Vaih -III ah hian seat - 1 (General ) a awm bawk a. Disposal of Claims & Objections hi ni 12, April, 2024 thleng tih theih a ni dawn a, Final Electoral Rolls hi ni 17, April, 2024 ah tlangzarh a ni ang.

Vawiin Draft Electoral Rolls tlangzarh inkhawmah hian Political Party aiawh an telkim vek thei a, Pu V.L. Hruaizela Khiangte, chuan party aiawh lo kalte hnenah Draft Electoral Rolls copy khat theuh a hlan nghal bawk.