4375/2023-2024

Dated Saitual the 28th March 2024: Vawiin khan Saitual DC Conference Room ah Kan hma lawk a Lok Sabha inthlanpui 2024 lo awm tura inkalpawhna felfai tak a awm theih nan Saitual District Election Officer , Dr Lalngura Tlau hovin Sector Magistrate te leh NHIDCL aiawhte an thukhawm.

He thutkhawmna ahhian Dr Lalngura Tlau, District Election Officer chuan Sector Magistrate kalkhawmte chu an hna chanpual theuh te uluk taka vawng turin a chah a, an bial chan theuh pawh pawh Inthlan hmaa vawikhat tal tlawh chhuak leh turin a ngen bawk a ni. Kawng chungchang ah an bial theuh inkalpawhna te a tha tawk em tih hrechiang turin a chah a, chutiang bawkin Tui lamah pawh rokhawlhna a awm loh Nan Sector Magistrate ten an bial chan a tui dinhmun ngaihven turin a hrilh bawk.

He meeting ahhian NHIDCL aiawhte pawh lo kal in poll day leh poll day hma a polling party te lirthei vakvel harsatna awmlo tura inkalpawhna kawng uluk taka vil remtihtlan a ni a. NHIDCL hruaitute chu an contractor te nen election chhung a thu in hriat pawh zung zung theihna tur WhatsApp group te siam tura hriattir an ni bawk.

NHIDCL bakah hian PWD EE, Road Connectivity a Nodal officer pawh meeting ahhian tel ve in inthlanni a inkalpawhna a harsatna awm thei tur zawng zawng a inpuahchak lawk tura hriattir a ni a, inthlan felfai tak neih anih theih nan theihtawp chhuah turin leh NHIDCL te nen pawh a inbiakpawhna tha nei tura tih a ni bawk.

Vawiin Road Connectivity chungchang a thutkhawmna ahhian Saitual DEO bakah Sector Magistrate te, NHIDCL aiawhte , EO leh election a mi pawimawh dang te an kalkhawm a ni.