3791/2023-2024

Dated Siaha 13th February 2023: Vawiin chawhnu dar 1 khan Mizoram State Day Vawi 38-na puala ‘State Day of Prayer’ Siaha District-a hman dan tur chu DC Mini Conference Room-ah sawihona neih a ni a. Thutkhawm hi Pu Lalhmunsanga Hnamte, District Bawrhsap chuan a kaihruai.

Pu Lalhmunsanga Hnamte chuan Mizoramin harsatna tamtak paltlangin State puitling a hmu a ni tih tarlangin, Mizo mipuite tan he ni hi a pawimawhin a hlu hle hle a ni, a ti . State Day Celebration Committee- lamin 'State Day of Prayer' hmang tura ruahmanna an siam chu tha tiin Siaha District ah pawh urhsun taka hman a tul hle a ti a. Kohhran, Tlawmngai pawl leh mipuite nen inlungrual taka hman a nih theih nan kalkhawmte leh Siaha mipuite a sawm nghal bawk.

He hunah hian Pi Darrochhingi, Executive Member, State Day of Prayer chuan kumina state day hman dan tur lo pianchhuah dan leh hman rawtna alo luh dan report pekna a nei a . Siaha a 'State Day of Prayer' hman dan tur kimchang duang turin vawiin thutkhawmah hian 'Working Committee' din nghal niin , anni hian programme hman dan tur kimchang an lo duang dawn a ni.

Vawiina State Day of Prayer chungchang sawihonaah hian Addl. DC, Addl. SP, DIPRO, President, MCHP, Executive Secretary, ECM - te bakah State Day of Prayer atangin Pi Darrochhingi leh Pu Lawrence Rothangpuia te an tel thei a ni.