3792/2023-2024

13th February, 2024 : Mizoram State Day Vawi 38-na puala State day of Prayer Champhai District-a hman tur relin nizan khan Champhai Bawrhsap Pu James Lalrinchhana hoin Circuit House Champhaiah thut khawm a ni.

Thut khawm kaihruaitu Champhai Bawrhsap Pu James Lalrinchhana chuan State Day of Prayer Committee thurel bawhzuiin Champhaiah pawh State puala hun hman ve a nih dawn thu sawiin urhsun taka hman a nih theihna tura uluk taka hun hman dan tur duan a tul thu a sawi a.

Thu khawm chuan Champhaiah chuan State day pual hian Champhai Sport Complex, New Champhaiah February ni 20, chhun dar 12:00 atangin zaikhawm tan nise chawhnu dar 1:00 atangin tawngtairual nise an ti a, mipui a tam thei ang ber ram tana tawngtai tura an kal theihna tura hmalak nise an ti bawk.

State Day of Prayer chu hlawhtling taka hman a nih theihna tura hmalatu tur Organising Committee din nghalin Chairman-ah Bawrhsap Pu James Lalrinchhana, Vice Chariman-ah Pu M Misaela, Addl Dc, Member secretary-ah Rev. H Lalrinmawia te ruat an ni a; an ni hian hmalak ngaite an bawhzui dawn a ni.

Thutkhawmah hian District thuneitute bakah Dr PC Biaksiama, Gen. Secretary SDP, Secretary Upa C Lianzuala leh Spiritual Ministry Pu Lalhlimpuia te bakah Champhai District chhunga Kohhran hrang hrang puipate an tel a ni.

State Day of Prayer  Zoram pum huapa  tawngtairualna hi  Aizawlah a lawmna pui ber February ni 20, 2024 ah AR Ground Lammualah hman tur niin khuhhawnna hi chhawhnu dar 1:00 ah Chief Minister Pu Lalduhoma’n a nei dawn a ni.