3704/2023-2024
Dated Siaha 7th February 2024 : Vawiin chawhma dar 11 khan February ni 14- a sawrkar laipui Union Minister of State, Health & Family Welfare, changtu Professor S.P. Singh Baghel lo zin tur puala inbuatsaihna thutkhawm DC Mini Conference Room-ah neih a ni a. Pi Lalnunmawii Addl. DC chuan thutkhawm hi a kaihruai.
Pi Lalnunmawii chuan Union Minister of State lo dawngsawng turin theihtawp chhuah a tul a ti a. Mizoram sawrkar hnuaia hnathawkte leh MADC hnuaia thawkten thawhhona tha neih a tul hle dawn a ni, a ti. A bik takin venhimna buaipuitu Police leh Health Department- lamten tan lo la nasa zual se a ti a, Siaha a cham chhungin mawhphruhna neiten theihtawp lo chhuah turin a chah bawk.
Professor S.P. Singh Baghel hi February ni 14 tlailam dar 2- ah Siaha lo thleng tura beisei a ni a, Circuit House- ah sawrkar official -te meeting a neihpui nghal dawn a ni. Tlailamah hian BJP hruaitute bakah ECM Kohhran hruaitute kawmna a nei ang a, Maraland Gospel Centenary Hospital- a tlawh nghal ang. A tuk February ni 15 chawhma hian District Hospital, Health & Wellness Centre leh Sub- Centre bakah Government Siaha College a tlawh ang a. Chawhnu lam hian NGO- MTP, MCHP leh MSO hruatute nen inkawmna an nei nghal bawk ang. February ni 16 zing lamah Grace Children's Home, College Vaih tlawhin, chawhma dar 11:30 - ah helicopter -in Lengpui a pan dawn a ni.
Union Minister of State, Professor S.P. Singh Baghel- lo zin tur puala inbuatsaihna thutkhawmah hian, Superintendent of Police, Siaha, ExecutiveSecretary, MADC, CMO, Medical Superintendent, Principal, Government Siaha College, NGO- hruaitute leh Official dangte an tel a ni.
