3085/2023-2024

Dated Siaha 18th December 2023: Vawiin khan Siaha District- a 'Viksit Bharat Sankalp Yatra’ kalpuina tur Mobile IEC Van vailiamna hun DC Complex- ah neih a ni a, Pu Lalhmunsanga Hnamte, District Bawrhsap leh Chairman, District Level Committee on Viksit Bharat Sankalp Yatra ni bawk chuan Mobile IEC Van hi a vailiam.

Pu Lalhmunsanga Hnamte chuan 'Viksit Bharat Sankalp Yatra' chu sawrkarlaipuiin a ngaipawimawh hle tih tarlangin, Siaha District chhunga hlawhtling taka kalpui a nih theih nan mawhphurhna nei zawng zawngte theihtawp chhuah turin a chah a. Sawrkarin hamthatna a duan mipuiten chiangzawka an hriat leh a dawngtu tur diktak ten an dawn theihna tura program tangkai tak a ni tih tarlangin, a hlawhtlinna erawh chu he program kalpui that leh that lohah a innghat thui hle a ti a. Hmasawnna tha leh tluantling, mitin thleng phak a taka chan tir turin taima leh thahnem ngai taka thawkchhuak turin kalkhawmte a sawm a ni.

Mizoram Chief Secretary nen Video Conference- hmanga inbiakna an neih tawh thu tarlangin Pu Lalhmunsanga Hnamte chuan Chief Secretary duhdan ang ngei a 'Viksit Bharat Sankalp Yatra' hlawhtlinna tluantling (100% success rate) nei thei turin hmalak anih tur thu a sawi a. 'Viksit Bharat Sankalp Yatra' hnuaia Department ( line department) zawng zawngte chuan mipuite hmakhua ngaia theihtawp lo chhuah tura chahin, Siaha District hmasawnna thlentu pawimawh tak ni turin Mobile IEC ( Information, Education and Communication) Van chu a vailiam tih a tarlang.

Pi B. Malsawmtluangi, District Nodal Officer, chuan report pekna a nei a. 'Viksit Bharat Sankalp Yatra' kalpui turin District Level Committee, Block Level Committee leh Gram Pachayat Committee-din a ni, a ti a. Mobile IEC Van-hi a kalna apiangah Line Department-ten an tawiawm thin ang tiin December ni 18, 2023 atanga January ni 27, 2024 chhungin Mobile Van hian Siaha leh Tipa RD Block chhunga khuate a tuamin a tlawh chhuak dawn tih a tarlang bawk.

Viksit Bharat Sankalp Yatra- hi sawrkar laipui scheme- te mipui ten chiang zawka an hriat theih nan leh a dawngtu tur ngei ten hamthatna an dawn theih nan inhrilhriat tharna leh inziahluhna hun hawn tur a ni a. VBSY kalpui nan hian Siaha District hian IEC (Information, Education and Communication) Mobile Van pakhat dawngin, hei hian Siaha District chhunga khua awm zawng zawng te chu a tlawhchhuak ang.

Siaha District- a 'Viksit Bharat Sankalp Yatra' kalpui tur hian District Bawrhsap Chairman- na hnuaiah 'District Level Committee' - din niin Member- 18 an awm mek a. District Nodal Officer-atan SDO (Sadar) ruat a ni a. Siaha leh Tipa BDO- te chu Block Nodal Officer- ah ruat ni bawkin, VCP- te chu Gram Pachayat Committee Chairman atan ruat an ni bawk a ni.