Animal Husbandry & Veterinary Department chuan a neituten an hriat hran theihna tur Sial chhinchhiahna ‘Microchip’ vuah chu an chhunzawm zel.

Sial hi semi-domesticated animal anih angin ramhnuaiah zalen takin an tla thin a, a neituten an mamawh chaw an pek duh hunah an kokhawm a, chaw an pe thin a ni. Chaw leh tui te an ei in zawhah ramhnuai lamah an kir leh thin a ni.

Sial neituten an ta an hriat theih nan an rawngah te leh an beng leh taksa dangah te chhinchhiah an ni thin a, tuna Microchip te takte, buhfang tiat lek hian digit 15 a nei a, sial taksa ah an kap lut a, hei hi tih reh mai mai theih loh, an damchhunga tana awm tura ruahman a ni a, hei hian sial in chuh buaina awm thei a sutkian beisei a ni.

Kum 2007 khan sial 1939 awma chhinchhiah anih laiin, kum 2012 khan 3283 awm tawh niin AH & Vety Department chuan an sawi a. Kum 5 chhungin 1344 in an pung a ni. Tunah hian sial 500 vel chhinchhiahna siam sak tawh an ni.