Vawiin khan Serchhip District Sericulture Office, Sericulture Complex, Kikawn ah pangang (Silkworm) keu sa leh khawi len sa (chowki-worm) sem a ni. He hun hi Dr. Lalthlamuana Pachuau, Scientist ‘B’, Central Silk Board in farmers te training pe pah in a hmanpui a ni.

Vawiin a pangang semchhuah tak te hi Institute of Village Programme (IVLP) kaltlanga Central Silk Board leh Sericulture Department, Government of Mizoram te hmalakna a buatsaih a ni a, Pu V.Zothansanga DSO chuan Pangang tui, mithiam bik ten uluk leh fimkhur taka an tih keu sa leh vulh len tawh sa semchhuah hi Sericulture farmer te hlawhtlinna bul leh pawimawh anih vanga hetiang programme hi buatsaih a nih thu a sawi a ni. Tun tumah hian NLUP Sericulture beneficiaries chhungkaw 150 te tan, 7500 Dfls (Disease Free Laying Eggs) semchhuah a ni a, farmer te hi Chhiahtlang, Serchhip, Thenzawl, Baktawng, Chhingchhip, Keitum leh Khawlailung atanga thlan chhuah te an ni.