Vawiin chawhma dar 11 : 00 khan DC’s Conference Hall, Saiha-ah kumin India Independence Day- 2014 lawm dan tur ngaihtuahin District Bawrhsap Pu Alok Swarup IAS hovin meeting neih a ni.

He meeting hi Pu John L.T. Sanga Additional D.C. Saiha District, Saiha chuan a kaihruaia, he Ni lawmna hi District Playground Saiha-ah neih ani anga, he Ni lawmna pual hian Hnuchham In leh Damdawi In hrang hrang-ah te thilpek hlanna neih ani bawk dawn a ni.

Zing dar 6 :00 ah Zirna In leh Sawrkar Pisa hrang hrang bakah Sawrkar Quarter ah te Hnampuanzar zar ani anga, Zing dar 9 :30 ah Parade Contingents te leh mipuite chu District Playground thleng kim vek tura beisei kan ni a, Zing dar 10 : 15 ah Khuallian in Hnampuanzar pawtparh in Hnamhla Donbosco School naupang ten an sa nghal anga, Khuallian in Independence Day thuchah a sawi hnu ah Parade Contingents te chibai a chhanglet ang.

Chawhnu dar 1 : 00 ah sawmbikte puala Thingpui in hona “At Home” chu C.E.M., M.A.D.C. Bungalow ah neih ani dawn ani. India Independence Day lawmna pual hian Foot Ball leh Badminton ah te inelna neih ani bawk dawn a ni. Kumin India Independence Day lawmna ah hian Parade Contingents- Uniform Contingents- 6 leh School Contingents- 12 te tel thei tura beisei an ni a, Kumin India Independence Day lawmna a Khuallian tur hi Mizoram sawrkar lam ruahman tur a tih ani. He Meeting ah hian Department hrang hrang hotute, Tlawmngaipawl hrang hrang hruaitute leh chanchin thar thehdarh tute an tel kim hle ani.